Фембæлд УФ-йы Хицауады Сæрдары хæдивæг Витали Муткоимæ

Республикæ Хуссар Ирыстоны Президент Бибылты Анатоли фембæлд Уæрæсейы Федерацийы Хицауады Сæрдары хæдивæг Витали  Муткоимæ. Фембæлды рæстæджы уынаффæ цыд æмгуысткæнынады æмæ Хуссар Ирыстоны социалон-экономикон рæзтæн ахъазгæнæг Инвестицион программæйы реализацийы фарстатыл.

Бибылты Анатоли банысан кодта 2018 азы Инвестицион программæ 100 процентæй кæй сæххæст æмæ сæ нысан кæй у ацы азы программæ дæр ахæм  фæстиуæгимæ сæххæст кæнын.

«Стыр бузныг, Уæрæсейы Федерацийæн, ахæм хъусдард нæм кæй дары,  бузныг сæрмагондæй дæуæн дæр, Хуссар Ирыстоны адæм нын  нæ разы цы проблемæтæ æвæры, уыдон демæ кæй дих кæнæм, уый тыххæй. Ивгъуыд аз фыццаг хатт сæххæст кодтам Инвестпрограммæ 100 процентæй, 2019 азы дæр алцыдæр цæуы графикты фæлгæтты. Социалон объектты, медицинон кластеры  тыххæй серьезон куыст бакондæуыд. Фæнд ма кæнæм медицинон уагдоны донорон тугдæттæн хайад саразын. Фæстиуæг нын ис, уымæн æмæ æрбакондæуыд бæрнон подрядонты, паддзахадон компаниты, кæцы-тæн, æхца кусгæйæ, сæ бон у сæ техникæ сног кæнын», – загъта Президент.

Йæ рады, Виталий Мутко  дæр банысан кодта, зæгъгæ, иумæйаг куыстæн ис цæстуынгæ фæстиуджытæ æмæ загъта йæ тæлмæнтæ  Республикон бирæпрофилон медицинон центр æмæ Хуссар Ирыстоны паддзахадон университеты тыххæй, кæцыты бабæрæг кодта Хуссар Ирыстонмæ  йæ балцы фæлгæтты.

«Уæ контроль карз у, æмæ, æцæгæйдæр, æххæст цæуы. Æз федтон объектты æмæ мæ зæгъын фæнды, æппæт дæр хорз организацигонд кæй у. Гемодиализы хайад гом у, университет дæр хорз тæлмæнтæ уадзы. Æнæхъæнæй иумиаг куыстæн ис цæстуынгæ фæстиуæг. Мах абон æркæсдзыстæм 2020-2022 азты планмæ дæр.  Æз  афтæ хъуыды  кæнын,  æмæ райсын хъæуы ахъуыдыгонд программæ, аскъуыддзаг кæнын хъæуы, инфраструктурæйы цы фарстатæ æмæ цæлхдуртæ ис, уыдон», – загъта уый.

Республикæ Хуссар Ирыстоны

Президенты пресс-службæ