Уыд Закъондæттынад, закъондзинад æмæ бынæттон хæдуагæвæрды фæдыл Республикæ Хуссар Ирыстоны парламентон комитеты рабадт. Рабадт уагъта профилон комитеты сæрдар Габатты Алан.
Боны фæткмæ рахастæуыд «Республикæ Хуссар Ирыстоны Хицауады тыххæй» Конституцион закъонмæ ивындзинæдтæ бахæссыны тыххæй» Конституцион закъоны проект.
Хуссар Ирыстоны Хицауады Аппараты къухдариуæггæнæг Чамоков Азæмæт куыд банысан кодта, афтæмæй ацы закъоны проекты æнæмæнгхъæуындзинад баст у ууыл, æмæ «Республикæ Хуссар Ирыстоны Хицауады тыххæй» РХИ-йы Конституцион закъоны ныры редакцийы ис нормæтæ, кæцытæн иугъуызон æмбарæн нæй. Йæ ныхæстæм гæсгæ, закъоны ис техникон рæдыдтытæ, сæрмагондæй та, тексты мидæг дæнцæгæн цы нормæтæ æрхастæуыд, уыдон раст не сты æмæ уацы структурон элементы ном дæр раст фыст нæу.
Ацы закъоны проектыл уынаффæйы рæстæджы комитеты уæнгтæ аскъуыддзаг кодтой за-къоны проект Парламенты Президиумы рабадтмæ рахæссын, цы фиппаинæгтæ æмæ йæм фæндæттæ бахастæуыд, уыдонимæ иумæ.
Комитеты куысты хайад райстой Плиты Александр, Диакъонты Амиран, Икъоты Сæрмæт, Икъоты Витали, Гаглойты Алан æмæ Чысиаты Константин, афтæ ма РХИ-йы Парламенты РХИ-йы Президенты æххæстбарджын минæвар Куымæридтаты Аннæ æмæ РХИ-йы Парламенты РХИ-йы Хицауады æх-хæстбарджын минæвар Кокойты Зураб дæр.
Comments are closed, but trackbacks and pingbacks are open.