Дзæуджыхъæуы уагъд æрцыд 14 азы онг кæуыл цæуы, уыцы боксерты ‘хсæн Цæгат Кавказы Федералон зылды чемпионатмæ бахауыны сæраппонд ерыстæ. Уым хайад райстой РХИ-йы боксы скъолайы хъомылгæнинæгтæ æмæ сын уыд хорз æнтыстытæ. Уæлахиздзаутæ систы Хуриты Дмитри (44 кг) æмæ Гуыцмæзты Тамерлан (48 кг). Дыууæ лæппу дæр акодтой фæйнæ æртæ тохы æмæ сæ алкæцыйы дæр фæуæлахиз сты. Спортсменты тренер у Куымæридтаты Родион. Ныр боксертæ сæхи цæттæ кæндзысты сæ кары спортсменты ‘хсæн Цæгат Кавказы Федералон зылды чемпионатмæ, кæцы дыууæ къуырийы фæстæ уагъд æрцæудзæн Стъараполы крайы. Ерысты ма хуссарирыстойнаг боксертæй хайад райсдзæн Коцты Давид (70 кг).

УÆГЪДИБАР ХЪÆБЫСХÆСТ

Кæронмæ бахæццæ РЦИ-Аланийы чемпионат уæгъдибар хъæбысхæстæй. Ерысты дыккаг бон хуссарирыстойнаг богалтæ рамбылдтой иу сыгъзæрин æмæ иу та бронзæ майда-ны. Ерысты уæлахиздзау ссис Бикойты Вадим. Уымæн аккаг ныхмæлæууæг нæ разынд 61 кг уæзы категорийы. Финалы рамбылд-та Дзгойты Таймуразы. Иууыл уæззаудæр уæзы категорийы (125 кг) æртыккаг бынат бацахста Бестауты Андрей.

Ерысты фыццаг бон ма чемпионаты æвзист призер ссис Зассеты Арсæмæг. Уый та архайдта 97 кг уæзы категорийы.

Спортсменты тренер у Коцты Тамерлан.

ХУРИТЫ Батрадз

Ацы æрмæджытæ дæр бакæс:

Спорт Default Thumbnail2020 азы спортивон æнтыстытæ Default ThumbnailАцæугæ æнусы ирон спортсменты æнтыстытæ Default Thumbnail2019 азы спортивон цаутыл афæлгæст 2016 азы сæйрагдæр спортивон цаутыл афæлгæст

Comments are closed, but trackbacks and pingbacks are open.