Республикæ Хуссар Ирыстоны Хицауады Сæрдар Бекъойты Геннади басгæрста «Паддзахадон фæсауæрцы» бæстыхай, кæцы арæзт æрцыд Цхинвалы ныгуылæн кæрон 2020 азы Республикæ Хуссар Ирыстоны социалон-экономикон рæзтæн ахъазгæнæг Инвестицион программæйы фæлгæтты.
Балцы ма йемæ уыдысты Арæзтад, архитектурæ æмæ Цæрæнуатон-коммуналон хæдзарады министр Зæгъойты Эдуард, йæ хæдивæг Гаглойты Сергей, Æмбæстагон хъахъхъæнынад, уæлвæткон уавæртæ æмæ æрдзон æнамонддзинæдтæ аиуварс кæныны фæдыл министр Цоциты Азæмæт.
Объект 1360 квадратон метры фæзуатимæ арæзт æрцыд гом акционерон æхсæнад «Цхинвалы арæзтадон компани»-йы подрядон организацийы фæрцы. Мадзæлттæ реализаци кæнынæн хицæн æрцыд 43 милуан 661 мин сомы.
Абоны бон паддзахадон фæсауæрцы бæстыхай, кæцы ифтонг у æнæмæнгхъæуæг ифтонгадæй æмæ инфраструктурæйæ.
Уæлвæткон уавæрты министр Цоциты Азæмæт куыд банысан кодта, афтæмæй æфснайæндон у фыццаг æнæмæнгхъæуæг предметтæ æвæрынæн, кæцытæй сæ бон у спайда кæной иу мæйы дæргъы 1500 адæймаджы онг..
Уый эксплуатацигæнæн организацийæн бахæс кодта, цæмæй паддзахадон æвæрæндоны бæстыхай рæстæгыл сæвæрой балансыл.
Объекты басгæрсты рæстæджы нысангонд æрцыд, Уæрæсейы Федерацийы æмæ Республикæ Хуссар Ирыстоны Уæлвæткон уавæрты министрадты бадзырдмæ гæсгæ апрелы мæйы кæй æнхъæлмæ кæсæм уæрæсейаг специалисты æрцыдмæ, кæцытæ хуссарирыстойнаг коллегæтæн баххуыс кæндзысты «Госрезервы» фæсауæрцтæ æвæрыны системæ сорганизаци кæнынæн.
Comments are closed, but trackbacks and pingbacks are open.