Андиаты Сосланы номыл уæгъдибар хъæбысхæстæй Олимпион резервы спортивон скъола ссис Национ спортивон премийы лауреат. Премийы цытджын церемони уагъд æрцыд Мæскуыйы. Андиаты Сосланы номыл скъола премийы лауреат ссис «Надежда России – спортивная школа года»-йы номинацийы.
Национ спортивон преми фидар æрцыд 2010 азы. УФ-йы Спорты министрад, спортуарзджытæ æмæ эксперттимæ иумæ равзары 11 номинацийы иууыл хуыздæрты.
ХАЙАД РАЙСДЗЫСТЫ ДУНЕОН ТУРНИРЫ
Ирон богалтæ хайад райсдзысты уæгъдибар хъæбысхæстæй Хасавюрты уагъдцæуæг дунеон турниры. Уыдон сты: 61 кг – Сабанты Александр, Тауитты Чермен. 65 кг – Хъызынты Джамбулат, Бадтиаты Артур, Уалыты Эльбрус. 70 кг – Куыдзойты Алан, Санахъоты Алан. 74 кг – Дзукъаты Роберт, Гæджиты Аслан. 79 кг – Хуыбецты Кахабер, Уалыты Радик, Бетанты Дэвид, Санахъоты Ацæмæз. 86 кг – Чертхъоты Руслан, Наниты Славик, Багаты Арслан, Зассеты Алан, Хæдзæрæгаты Азæмæт. 92 кг – Кцойты Сослан, Багаты Алан. 97 кг – Соттиты Аслан, Къæбысты Дэвид, Хуыгаты Хох, Цæрæхаты Сæрмæт, Чертхъоты Руслан. 125 кг – Хуыгаты Алан, Коцты Знауыр æмæ Хуыбылты Хъазбег.
***
Ирыстоны номдзыд хъæбысæйхæцæг, Олимпион хъæзтыты бронзæйон призер Найфонты Артурæн хорз фадат ис реванш райсынæн ирайнаг спортсмен Хасан Язданишариатийæ. Ирон богал хайад райсдзæн ирайнаг хъæбысхæсты къорды. Раздæр уыдон фембæлдысты Токиойы Олимпион хъæзтыты. Уæд фæуæлахиз ирайнаг спортсмен.
ФУТБОЛ
14-æм декабры райдайдзысты Дзæуджыхъæуы футболон командæ «Алани»-йы фæсарæйнаг сбортæ. Командæ йæхи цæттæ кæндзæн Дубайы. 26-æм декабры онг уым архайдзысты 25 футболисты. Клубы хъазджытæй уырдæм чи нæ бахаудта, уыдон та сæхи цæттæ кæндзысты командæйы дыккаг скондимæ.
Дубайæ фæстæмæ Дзæуджыхъæумæ æртæхыны фæстæ командæйæн уыдзæн ногазон улæфтытæ. Уый фæстæ та рацæудзысты æртæ сборы. Уыдон та уагъд æрцæудзысты Кисловодск æмæ Турчы.
ХУРИТЫ Батрадз
Comments are closed, but trackbacks and pingbacks are open.