Равдыстытæ

ТУРКАГ ИРÆТТЫ СФÆЛДЫСТАДИМÆ ЗОНГÆ КОДТОЙ ДЗÆУДЖЫХЪÆУЫ

 

Нывкæнынады, къамисыны фадыджы, афтæ ма керамикон ювелирон дзаумæтты 200 куысты бæрц ис туркаг ирон нывгæнджыты, ны-висджыты æмæ ювелирты рав-дысты, кæцы æртæ боны дæргъы уагъд цыдис Цæгат Ирыстон-Аланийы Национ музейы.

Символикон ном «Туркæй-Теркмæ аивад» кæмæн у, уыцы экспозициты байгом кæныны церемонийы хайад райстой Цæгат Ирыстон-Аланийы къухдариуæгады минæвæрттæ, туркаг делегаци ирон диаспорæ «Алан»-ы сæрдар Хъуысаты Сад-реттинимæ, афтæ ма æхсæнадон организациты уæнгтæ, нывгæнджытæ, студенттæ æмæ æндæртæ.

«Махмæ æрцыдысты Туркы цæрæг æфсымæртæ, цæмæй равдисой сæ куыстытæ, базонгæ нæ кæной се сфæлдыстадимæ. Уыдон сæ Райгуырæн бæстæ кæй нæ рох кæынц, уый тынг ахсджиаг у. Равдыстæн ис егъау нысаниуæг æрмæст культурæйы къабазы нæ, фæлæ ма сæ историон Райгуырæн бæстæйы чи цæры æмæ цæрынмæ Туркмæ чи ацыд, уыдоны æрбаиу кæныны дæр. Мах ма хъуамæ ферох кæнæм кæрæдзи», – банысан кодта Битарты Вячеслав.

РЦИ-Аланийы Сæргълæууæг Туркы æхсæнад «Аланийæн» балæвар кодта скульптурæ  «Чужбина», кæцы æвдисы, сæ цæрæн бынæттæй чи алыгъд, уыцы ирæтты трагеди æмæ арф хъынцъымдзинад, кæмæй фæиппæрд сты, сæ уыцы Райгуырæн бæстæйы тыххæй. Уымæй дарддæр ма уый «Во славу Осетии»-йы майдан æй схорзæхджын кодта  ирон диаспорæйы сæрдар Хъуысаты Садреттины, национ традицитæ пропагандæ æмæ бахъахъхъæныны тыххæй йын арфæ ракæнгæйæ. «Ацы хорзæх æрмæст мæн нæу, фæлæ у æппæт æхсæнады хорзæх, уымæн æмæ мах кусæм иумæ. Арфæ кæнæм скульптурæйы тыххæй дæр, куы йæ федтон, уæд мæ хъæлæс барызт, уымæн æмæ нæ фыдæлтæ тынг бирæ зындзинæдтæ бавзæрстой, Туркмæ цæрынмæ куы цыдысты, уæд. Махæн тынг зынаргъ у ацы мысынад», – загъта Хъуысаты Садреттин.

 

ХÆЛАРДЗИНАДЫЛ ДЗУРÆГ РАВДЫСТ

Приднестроваг Молдаваг Республикæйы горæт Дубоссары сывæллæтты сфæлдыстадон галуаны уагъд цæуы нывты конкурс «Абхаз, Хуссар Ирыстоны æмæ Преднестровье: рæстæгæй фидар хæлардзинад»-ы уæлахиздзауты куыстыты равдыст.

Конкурс уагъд æрцыд 1992-1993 азты Абхазы адæмы Фыдыбæстæйон хæсты уæлахизы 25 азы, Хуссар Ирыстоны ныхмæ гуырдзыйы агрессийы 10 азы æмæ УФ-йы, ‘рдыгæй Абхаз æмæ Хуссар Ирыстоны банымайыныл 10 азы сæххæсты цытæн. Конкурсы æдæппæт фæуæлахиз сты 54 куысты. Уыдонæй авд сты Дубоссарæй æвзонг нывгæнджытæн куыстытæ.

Горæт Дубоссары администрацийы пресс-службæ куыд хъусын кæны, афтæмæй равдыстмæ æрбацыд Приднестровьейы Хус-сар Ирыстоны официалон минæварады сæргълæууæг Виталий Янковский.

Æвзонг нывгæнджыты куыстытимæ базонгæ уæвгæйæ, Хуссар Ирыстоны минæвар ныфс бавæрдта ног cфæлдыстадон проекттæ ауадзыны тыххæй, кæ-цытæ здæхт уыдзысты æртæ хæларадон республикæты æрбангом кæнынмæ.