95 азы сæххæст Уæрæсейы адæмон артист, зынгæ оперон режиссер, Украинæ æмæ Цæгат Ирыстоны аивæдты сгуыхт архайæг, фыццаг ирон оперон режиссер Лекъты Юрийы райгуырдыл.
Уый бындур æрæвæрдта æмæ 35 азы лæууыд Цæгат Ирыстоны Паддзахадон музыкалон театры сæргъ. Алы æмæ алы азты уыд Киев, Харьков æмæ Одессæйы оперæ æмæ балеты театрты режиссер. Ирон сценæйыл Юри Никъалайы фыртæн йæ къухы бафтыд дыууæ тынг цымыдисон спектаклы – «Оллана» æмæ «Азау» сæвæрын. Фыццаг спектакль «Азау»-æн уыд тынг стыр резонанс, фыстой йыл централон прессæйы. Уыдис оперæ «Къоста»-йы режиссер æмæ йын уыцы куыстæн стыр аргъ скодтой Мæскуыйы дæр. Оперæйы композитор уыд Плиты Христафор», – радзырдта Уæрæсе æмæ Украинæйы адæмон артисткæ Гергиты Ларисæ.
Лекъты Юри Ирыстоны цæрджытæн балæвар кодта классикон уацмыстæ – «Демон», «Кармен», «Пиковая дама», «Укрощение строптивой», «Фауст», «Огни в горах» æмæ æндæртæ. Уымæй дарддæр ма режиссер спектаклтæ æвæрдта Киев, Львов, Одессæ, Пермь, Воронежы оперон театрты.
1994 азæй та уыд Цæгат Ирыстоны паддзахадон университеты музыкалон театры сæргълæууæг æмæ уыцы иурæстæджы аивæдты факультеты доцент. Æппæт йæ курдиат, йæ уарзондзинад Лекъты Юри радта театрæн. Йæ ном сыгъзæрин дамгъæтæй фыст æрцыд ирон æмæ уæрæсейаг аивады историйы.
