Фембæлд дунеон эксперттимæ

Республикæ Хуссар Ирыстоны Президент Бибылты Анатоли фембæлд дунеон эксперттимæ, кæдон горæт Цхинвалмæ æрцыдысты тымбыл фынджы куысты хайад райсынмæ «Алания и формирование нового вектора экономического роста «Север-Юг»:цивилизационный и культурный аспекты», зæгъгæ, ахæм темæйыл.

Экспертты делегацийы сæргъ лæууыд  проект «Ближний Восток – Северный Кавказ: культурная политика в деле укрепления межнационального мира и межрелигиозного согласия»-йы къухдариуæггæнæг  Михаил Чернов.

Хуссарирыстойнаг фарсæрдыгæй фембæлды хайад райстой РХИ-йы Президенты паддзахадон уынаффæгæнæг Коцты Константин æмæ Президенты Администрацийы мидæггагон политикæйы управленийы къухдариуæггæнæг Джуссойты Алан.

Уазджытæн раарфæ кæнгæйæ, паддзахады сæргълæууæг банысан кодта, политологтæ цы куыст бакодтой, уый кæй у æнæмæнгхъæуæг æмæ йын кæй ис стыр нысаниуæг куыд Кавказы, афтæ Уæрæсейы Федерацийы иумийагæй.

«Мах æмбарæм, цахæм  проблемæтæ ис уæрæсейаг Кавказы, сæйраджыдæр Цæгат Кавказы. Стыр проблемæ фиппайдæуы Мæхъæлы, кæронмæ скъуыддзаг не ‘рцыд фарст, кæцы баст у Фæскавказимæ», – загъта Бибылты Анатоли.

Уый ма банысан кодта, зæгъгæ, Хуссар Ирыстоны ахæм серьезон темæйыл фыццаг хатт уагъд æрцыд тымбыл фынг, æмæ загъта, цæмæй ацы æнтыстыл ма æрлæууой, æрхоной ардæм экспертты æмæ уæрæхдæр диапазоныл уынаффæ кæной Кавказы цы проблемæтæ фиппайдæуы, уыдоныл.

Йæ рады, Михаил Чернов бузныджы ныхæстæ загъта Президентæн ацы мадзалы тыххæй æмæ банысан кодта, зæгъгæ, уымæн куыд Хуссар Ирыстоны æмбæстагæн, афтæ тынг æхсызгон у республикæйæн баххуыс кæнын.

«Мах ныхас кодтам Паддзахад Аланийы фидæныл. Регионы æхсæнадæмон ахастыты цы уавæр сæвзæры, уым Паддзахад Аланийы нысаниуæг хъуамæ уа аккаг æмæ хæдбар. Уымæй уæлдай ма, уыцы нысаниуæг реализаци цæуы, САР-имæ æмгуыстады фæдыл къухтæ фыст цы сразыдзинæдтыл æрцыдыс-ты, æмæ Хуссар Ирыстон Донбассы царды  цы стыр бынат ахсы, уый фæрцы», – банысан кодта уый.

Эксперты ныхæстæм гæсгæ, Паддзахад Аланийæн хорз у йæ бынат æмæ йæ нысаниуæг уыцы планы, æмæ  Цæгат æмæ Хуссар Аланийæн   кæй нæй ныхмæлæуд ирайнаг, арабаг æмæ туркаг дунеимæ.

«Уый дзурæг у æхсæнпаддзахадон ахастыты рæзты  стыр хъомысадыл æмæ уыцы регионтимæ гуманитарон, культурон æмæ цивилизацион æмгуыстад рæзын кæныны фадæттыл», – банысан кодта Михаил Чернов.

Национ иртасæн университет – Экономикæйы уæлдæр сколайы профессор Дмитрий Евстафьев, дæр бузныджы ныхæстæ загъта хуссарирыстойнаг паддзахады сæргълæууæгæн бæрзонд æмвæзадыл уагъдцæуæг дискусситы тыххæй, кæцытæ йæ ныхæстæм гæсгæ,  гом кæнынц ног фæндæгтæ.

«Ныфс мæ ис дæргъвæтин æмгуыстадæй. Экспертон æмархайд у иууыл сæйрагдæр æмæ ахсджиагдæртæй иу», – загъта уый.

РХИ-йы Президент æмæ

Хицауады пресс-службæ