Куыд зонæм, афтæмæй Фæскавказы æдасдзинады фæдыл Женевæйы уагъд цы дискусситæ фæцæуынц, уыдон куыст дæр, дунейы эпидемиологон уавæры, рапарахатимæ, рæстæгмæ урæд æрцыд. Ныр уавæртæ кæй фæхуымæтæгдæр сты, уымæ гæсгæ ацы мæйы æмбисы хуссарирыстойнаг делегацийы уæнгтæн уыд кусæгон фембæлд, Фæсконфликтон фарстатæ бæстонкæнынады фæдыл РХИ-йы Президенты Æххæстбарджын минæвар Джиоты Мураты сæргълæудæй Женевæйы дискусситы Евроцæдисы, ЕÆÆО æмæ ИНО-йы æмсæрдæрттимæ.
Фембæлды хайадисджытæ банысан кодтой, Женевæйы формат æмæ йæ фæлгæтты цы инциденттæ ма æруадзын æмæ сæм хъусдард здахыны фæдыл механизмтæ архайы, уыдон ахсджиагдзинад. Вирусон инфекцийы тæссагдзинад хынцгæйæ, мадзалы хайадисджытæ банысан кодтой Женевæйы форматы архайын æмæ бадзырдон процесс рæзын кæныныл.
Уымæй дарддæр ма хуссарирыстойнаг фарс банысан кодта къорд фарстайы, кæцытæ хаст сты Женевæйы дискусситы форматмæ. Стыр хъусдард здæхт æрцыд регионы стабилондзинад æмæ æдасдзинады фарстатæм, сæрмагондæй, Республикæ Хуссар Ирыстон æмæ Гуырдзыстоны æхсæн паддзахадон арæнтæм хæстæг территоритыл. Фембæлды хуссарирыстойнаг хайадисджытæ хъусдард аздæхтой Гуырдзыстоны къухдариуæгады дарддæры уагъдцæуæг политикæмæ – Хуссар Ирыстоны дунеон æмæхсæнады цæсты дискредитаци кæныны фæдыл æмæ хицæн гуырдзиаг политикон лидерты реваншистон хъусынгæнинæгтæм.
Куыд зонæм, афтæмæй Гуырдзыстоны территорийыл арæх уагъд цæуынц НАТО-йы æфсæддон ахуыртæ. Уый алкæй дæр дызæрдыджы æппары, уымæн æмæ мах рацыдыстæм нæ сыхæгты æфсæддон бабырстыты фæндæгтыл æмæ нæ æппындæр нал хъæуынц хæстон фæндæгтæ фæлхатт кæныны сæр. Уый тыххæй нысан æрцыд, Гуырдзыстоны дарддæры иудзинад уыцы æфсæддон альянсимæ, тæссагдзинад кæй æвзæрын кæны регионы. Паддзахадон арæны уавæрыл уынаффæгæнгæйæ, дискусситы хуссарирыстойнаг хайадисджытæ ноджыдæр фæндон бахастой, цæмæй гуырдзиаг фарс æрæвнала паддзахадон арæнты делимитацийы фарстыл æруынаффæ кæнынмæ, уымæн æмæ уымæй бæстон æрцæудзысты цалдæр фарстайы, уыцы нымæцы гуманитарон фадыгмæ хауæг фарстатæ дæр.
Хуссарирыстойнаг делегацийы уæнгтæ ноджыдæр банысан кодтой, Женевæйы дискусситы боны фæткы сæйраг фарсатæй иу кæй у Гуырдзыстон Хуссар Ирыстонмæ ахасты хæстон тыхæй кæй нал спайда кæндзæн, уый фæдыл фидар гарантитыл бакусын, регионы уæвæг æдасдзинад хъахъхъæнын æмæ фидар кæнгæйæ.
Кусæгон фембæлды рæстæджы ма рæгъмæ хаст цыд æндæр гуманитарон фарстатæ, уыцы нымæцы Хуссар Ирыстонæй æбæрæгæй сæфт æмбæстæгты хъысмæт сбæрæг кæнын. Хъыгагæн, ИНО радон хатт лигъдæтты фæдыл гуырдзиаг резолюци кæй райста, уый цæлхдуртæ сæвæрдта ацы проблемæйыл Женевæйы фæзуаты уынаффæ кæнынæн.
Нæ уацх.
Comments are closed, but trackbacks and pingbacks are open.