Гаглойты Аланы арфæ дзыллон информацийы фæрæзты кусджытæн
Дзыллон информацийы фæрæзты цытджын кусджытæ!
Арфæ уын кæнын уæ профессионалон бæрæгбон – Дзыллон информацийы фæрæзты кусæджы боны цытæн!
Æппæт рæстæджыты дæр дзыллон информацийы фæрæзты минæвæрттæн уыд ахсджиаг нысаниуæг æхсæнадон хъуыды аразыны хъуыддаджы.
Журналисты æрвылбонон куыст у зын – вазыгджын æмæ æвæстиат хæслæвæрдтæ, æрцæугæ цауты бынаты кусын, цытæ цæуы, уыдоны раст æвдисын.
Уый у егъау бæрндзинад – цæрджытæм оперативон æмæ объективон информаци хæццæ кæнын, уыимæ иумæ бонæй бонмæ кæсджыты, хъусджыты, фæрсджыты æууæнкдзинад фидардæр кæнын.
Цытджын журналисттæ!
Сымах æмæ уæ развæдгæнджытæ рацыдыстут хæстон уавæрты, информацион блокадæ æмæ ресурсты цухдзинады даргъ æмæ уæззау фæндæгтыл. Уæ цард тасы бын æвæргæйæ, уæ хæстæ æмæ разылæууæг нысæнттæ æххæст кодтат, нæ цæрджытæн æрмæст республикæйы æрцæугæ цаутæ нæ, фæлæ фæсарæнты æрцæугæ цаутæ дæр хъусын кæнгæйæ.
Абон дзыллон информацийы фæрæзты кусджытæ æнтыстджынæй размæ кæнынц ног идеятæ, сæ хайбавæрд хæссынц республикæйы позитивон имидж сфидар кæнынмæ, афтæ ма диалог аразынц аудиториимæ.
Ныфс мæ ис, сымах дарддæр дæр удуæлдай куыст кæй кæндзыстут, кæй уыдзыстут, паддзахад æмæ æхсæнады чи æнгом кæны, ахæм хид.
Зынаргъ хæлæрттæ! Ацы бæрæгбоны мæ бузныджы ныхæстæ фæнды зæгъын æппæт журналисттæ æмæ полиграфион фадыджы кусджытæн сæ компетентондзинад, бæрндзинад æмæ профессионализмы тыххæй.
Мæ цæст уын уарзы фидар æнæниздзинад, сабырад, хорздзинад æмæ хорз информацион цаутæ.
