Зынаргъ хæлæрттæ!
Айсут мын мæ арфæтæ Юристы боны цытæн!
Хуссар Ирыстоны юристтæ сты уникалон интеллектуалон ресурс, кæцы республикæйы цардархайды алы фадыджы дæр йæхи æвдисы кад æмæ нымысимæ. Рæстдзинады идеятæ царды æххæст кæнгæйæ, сымах ифтонг кæнут не ‘мбæстæгты конституцион бартæ æмæ сæрибардзинæдтæ, аразут æппæт дæр, цæмæй ведомствотæ æмæ организацитæ кусой æнтыстджынæй. Уæ куыстæн уæлдай ахсджиаг нысаниуæг ис фыдракæндтæ æмæ коррупцийы ныхмæ тох кæныны, архайæг закъондæттынад хъахъхъæнын æмæ хуыздæр кæнын, Республикæ Хуссар Ирыстоны барадон бындуртæ фидардæр кæнын.
Бузынг уын уе стыр профессионализм, уæ бæрзонд хæрзæгъдау-дзинады æмæ службæйон хæстыл æнувыддзинады тыххæй. Ныфс мæ ис, сымах дарддæр дæр кæй уыдзыстут æнæхæрам æмæ объективон, уæ активон æмбæстагон позици та дарддæрдæр лæггад кæндзæн нæ национ интерестæн.
Мæ цæст уын уарзы фидар æнæниздзинад, æнтыстытæ Закъонæн лæггад кæныны хъуыддаджы! Сабырад, хорздзинад æмæ дидинæфтыдад сымахæн æмæ уæ бинонтæн!
Республикæ Хуссар Ирыстоны Президент
Бибылты Анатоли
***
Барады фадыджы цытджын кусджытæ!
РХИ-йы Хицауады æмæ уын сæрмагондæй мæхи номæй арфæ кæнын Юристы боны цытæн!
Нырыккон æхсæнады ахæм фадыг нæй, цыран уæвæн нæй æнæ барадон æххуысæй æмæ хъуыддагæн специалисты ‘рдыгæй аргъ скæнынæй.
Закъондæттынады хъуыддаджы сæрмагонд роль конституцион нормæтæ хъахъхъæнын, ахадæн барадон механизмты рæзты хъуыддаджы сæрмагонд роль æххæст кæнгæйæ, сымах хъахъхъæнут гоймаг æмæ паддзахады бартæ æмæ интерестæ иумæйагæй сисгæйæ.
Уыцы ахсджиаг фарстатæ скъуыддзаг кæнынæн æнæмæнг-хъæуæг сты арф профессионалон зонындзинæдтæ, фæндвидар куыст æмæ хиуыл æдзух кусын.
Ныфс мæ ис, уæ намысджын куыст, стыр профессионализм, райсгæ фæлтæрддзинад алыхатт дæр ахъаз кæй уыдзысты Барады уæлиондзинад ифтонг кæнынæн.
Мæ цæст уын уарзы æнæниздзинад, сабырад æмæ ног æнтыстытæ Райгуырæн бæстæйы хæрзиуæгæн.
Республикæ Хуссар Ирыстоны Хицауады Сæрдар
Пухаты Эрик
***
УФ-йы Федералон Æмбырды Федерацийы Советы Сæрдар Валентина Матвиенкомæ
Цытджын Валентина Иваны чызг!
Республикæ Хуссар Ирыстоны Парламенты æмæ дын сæрмагондæй мæхи номæй арфæ кæнын Адæмы иудзинады боны цытæн! Ацы бæрæгбон у рагзамантæй фæстæмæ æмæ у æппæт уæрæсейаг адæмы хъайтардзинад æмæ иудзинады символ, кæцы мидæггагон зындзинæдтæ æмæ æддагон тæссагдзинæдты ныхмæ фæлæууыд, бæстæйы хæдбардзинад æмæ интерестæ йæ бон бацис бахъахъхъæнын. Уый ссис национ иудзинад, æмуддзинад æмæ æмбæстагон æмзæрдæдзинады символ. Æмæ абон, Ныгуылæнæй кæмæн разамынд кæнынц, уыцы экстремисттæ куы архайынц, цæмæй уæрæсейаг адæмы ахицæн кæной национ миниуæгмæ кæнæ динмæ гæсгæ, ацы бæрæгбонæн ис уæлдай нысаниуæг æмæ æвдисы, куыд ахсджиаг у иудзинад æмæ адæмы кæрæдзи æмбарын, хорз сыхагдзинад æмæ æмуддзинад бахъахъхъæнын.
Мæ цæст дын уарзы, цытджын Валентина Иваны чызг, фæрныгад, сабырад æмæ æнтыстытæ Стыр Уæрæсейы хæрзиуæгæн.
Республикæ Хуссар Ирыстон-Паддзахад Аланийы Парламенты Сæрдар Гасситы Петр
***
УФ-йы Паддзахадон Думæйы Сæрдар Вячеслав Володинмæ
Цытджын Вячеслав Викторы фырт!
Республикæ Хуссар Ирыстоны Парламенты æмæ дын сæрмагондæй мæхи номæй арфæ кæнын Адæмы иудзинады боны цытæн!
Ацы бæрæгбон у национ иудзинад æмæ æмбæстагон бæрндзинады символ райгуырæн бæстæйы ныры æмæ фидæны тыххæй æмæ зæрдыл лæууын кæны, уæрæсейæгтæ алыгъуызон – социалон къордтæ, нацитæ æмæ динтæм хаугæйæ, быцæутæ иуварс кæнгæйæ, куыд фæлæууыдысты знаджы ныхмæ æмæ хæдбардзинад æмæ хæдбындурдзинад куыд бахъахъхъæдтой. Уый ноджыдæр бæлвырд кæны, æрмæстдæр иумæ Уæрæсейы бирæнацион адæм бахъахъхъæндзысты сæ бæстæ, æмæ зындзинæдты ныхмæ фæлæугæйæ, сæ къухты бафтдзæн дарддæры рæзт æмæ адæмы царды гъæд фæхуыздæр кæнын.
Мæ цæст уын уарзы сабырад, фæрныгад æмæ æнтыстытæ Уæрæсейы æмæ йæ адæмы хæрзиуæгæн.
Республикæ Хуссар Ирыстон-Паддзахад Аланийы Парламенты Сæрдар Гасситы Петр
Comments are closed, but trackbacks and pingbacks are open.