БАХЪАХЪХЪÆНÆМ ЗИАНХÆСДЖЫТÆЙ ÆРКÆНГÆ ТЫЛЛÆДЖЫ

Райдыдтой æфсирон культурæты тыллæг æфснайыны куыстытæ. Тыллæг бафснайыны фæстæ  ахсджиагдæр проблемæтæй сæ иу у уыцы тыллæг зианхæсджытæй бахизын. Бирæ азты фæлварæн куыстыты фæстиуæгæн ахуыргæндтæ æрцыдысты ахæм хатдзæгмæ, зæгъгæ, нæмыгон культурæйæн зиан хæссынц ахæм уырынгонтæ, куыд даргъфындзонтæ (долгоносик), ссадхортæ, хоры рæмпæг æмæ æндæртæ. Уыдон азарæй цæмæй хорыл къаддæр зиан æрцæуа, уый тыххæй фыццаджы-фыццаг хорз ныссыгъдæг кæнын хъæуы хорæфснайæн хатæнтæ. Хъæуы дзы дезинфекци æмæ дезинсекци скæнын. Дезинсекци скæнынц каустикон содæйæ – 100 литр доныл батайын кæнын хъæуы 10 килограммы каустикон содæ. Дезинфекцийы рæстæджы спайдагæнæн ис «Волатонæй». 100 литр доныл дзы ныккæнын хъæуы 300 граммы. Дезинфекцийы размæ æфтауцдæтты сæхгæнын хъæуы цалдæр боны æмгъуыдмæ. Уый фæстæ скæнын хъæуы дезинфекци фæтæген æмæ чъыры змæстæй. Уый тыххæй скæнын хъæуы 2 килограммы чъыр æмæ 1 литр фæтæген ныккæнын хъæуы 5 литр доныл. Уыцы змæстæй сцæгъдын хъæуы æфтауцдоны. Æппæт ацы куыстыты рæстæджы æнæмæнг æххæст кæнын хъæуы санитарон нормæтæ.

Тохъмайты Хъазбег, агроном

Ацы æрмæджытæ дæр бакæс:

Default ThumbnailНÆ УАЛДЗЫГОН АУДИНÆГТÆ ЦÆХÆРАДОНЫ Default ThumbnailСпециалист амоны Дæ бæркад бирæ, хæдзардзин зæхкусæг! Æрыскъæф: кæд æмæ йæ куыд садзын хъæуы Сæджындзгъуыз фæткъуыбæлæстæ

Comments are closed, but trackbacks and pingbacks are open.