Республикæ Хуссар Ирыстоны Хицауады Сæрдар Пухаты Эрик Арæзтад, архитектурæ æмæ цæрæнуатон-коммуналон хæдзарады министр Зæгъойты Эдуард æмæ йæ хæдивæг Гаглойты Сергеимæ бабæрæг кодтой уазæгдон «Ирыстон» æмæ горæт Цхинвалы Театралон фæзуаты фонтаны арæзтадтæ.
Пухаты Эрик бабæрæг кодта, Инвестпрограммæйы объектты арæзтад фæуыны процесс куыд цæуы, уый, æмæ бацымыдис кодта техникон регламенты домæнтæ æххæст кæныныл контролкæнынадмæ.
«Æппæт арæзт объекттæ хъуамæ дзуапп дæттой документты амынд æппæт домæнтæн дæр. Ма хъуамæ уой арæзтад фæуыны стадийы дæр бынат ма хъуамæ уа цухдзинæдтæн», – банысан кодта Пухаты Эрик.
Уазæгдон «Ирыстон»-ы аразæг ор-ганизацийы разамонæг Бердиаты Аланы ныхæстæм гæсгæ, æппæт куыстытæ дæр фесты, бæстонгæнæн куыстытæй дарддæр.
«Ныртæккæ æппæт куыстытæ дæр фесты, бæстонгæнæн куыстытæй дарддæр, кæцыты махæн нæ бон нæу фæуын, арæн æхгæд кæй у, уый аххосæй. Арæн куыддæр байгом уа, афтæ мах бæстон-гæнæн куыстытæ сæххæст кæндзыстæм», – загъта Бердиаты Алан.
Фæуд кæнынц Театралон фæзуаты фонтаны арæзтады куыстытæ дæр.
«Арæзтадон-мон-тажгæнæн куысты-тæ, зæгъæн ис, фес-ты. Ныртæккæ æнхъæлмæ кæсæм дыууæ бæстонгæнæг æмæ иу прог-рамистмæ, кæцытæ хъуамæ фонтан кусынæввонг скæной, фæлæ бæл-вырд аххосæгтæм гæсгæ се ‘рцыд фæстиат кæны. Уыцы куыстытæн бахъæудзæн æртæ къуырийы бæрц», – загъта Гаглойты Сергей.
Comments are closed, but trackbacks and pingbacks are open.