Республикæ Хуссар Ирыстоны Президент Гаглойты Алан Парламентмæ бавдыста Джиоты Виталийы кандидатурæ Республикæ Хуссар Ирыстоны Уæлдæр тæрхондоны сæрдары бынатмæ.
«Республикæ Хуссар Ирыстоны Конституцийы 50-æм статьяйы 21-æм пункт æмæ «Республикæ Хуссар Ирыстоны тæрхонгæнджыты статусы тыххæй» Республикæ Хуссар Ирыстоны Закъоны 8-æм статьяйы 4-æм пунктмæ гæсгæ Республикæ Хуссар Ирыстоны Парламентмæ æвдисын Джиоты Витали Виссарионы фырты кандидатурæ Республикæ Хуссар Ирыстоны Уæлдæр тæрхондоны сæрдары бынатмæ», – дзырдæуы РХИ-йы Парламент Æлборты Аланы номыл паддзахады сæргълæууæджы фыстæ-джы.
Банысан кæнын хъæуы, уый æмæ паддзахадон газетты мыхуыр кæй уыд хъусинаг РХИ-йы Уæлдæр тæрхондоны сæрдары вакантон бынат байгом кæныны тыххæй.
Ацы бынатмæ куырдиат балæвæрдта Джиоты Витали, æппæт æнæмæнгхъæуæг документтæ æмæ бæлвырдгæнæнтæ бавдисгæйæ.
