Республикæ Хуссар Ирыстоны Президент Гаглойты Алан Парламентмæ бавдыста Джусойты Константины кандидатурæ Республикæ Хуссар Ирыстоны Хицауады Сæрдары бынатмæ.
«Республикæ Хуссар Ирыстоны Конституцийы 50 статьяйы 5-æм пунктмæ гæсгæ Республикæ Хуссар Ирыстоны Парламентмæ æвдисын Джусойты Константин Хасаны фырты кандидатурæ Республикæ Хуссар Ирыстоны Хицауады Сæрдары бынатмæ сразыдзинад райсыны тыххæй», – дзырдæуы Парламенты Сæрдар Тадтаты Аланы номыл Президенты фыстæджы.
Биографион бæрæггæнæнтæ:
Джусойты Константин Хасаны фырт райгуырд 1967 азы 26 ноябры.
1989 азы каст фæцис ГПИ-йы Цхинвалы филиал «Технология металлорежущих станков и инструментов»-ы дæсныйад.
1993 азæй 2011 азмæ уыд арæзтадон компани Арæнгонд бæрндзинады æхсæнад «Приличный»-йы генералон директор.
Республикæ Цæгат Ирыстон-Аланийы территорийыл сарæзта Мæскуыйы уынджы №51 бирæфатерон хæдзар (г.Дзæуджыхъæу) æмæ цæрæнæмбæстагон, коммерцион æмæ социалон фадыджы æндæр объект-тæ.
Республикæ Хуссар Ирыстоны тер-риторийыл та – Тæболты С. уынджы №115 бирæфатерон хæдзар.
2011 азæй ныры онг – арæзтадон компани «Мегаполис»-ы генералон директор.
Республикæ Хуссар Ирыстоны территорийыл арæзт æрцыд:
– микрорайон «Северный» (г.Цхинвал),
– Джиоты Аланы проспектыл Республикæ Хуссар Ирыстоны бæстыхай (г.Цхинвал),
– ХИПУ-йы бæстыхай (г.Цхинвал),
– Джиоты Аланы проспектыл Æртæиууон уаз Хуыцауы чырыстон аргъуан (г.Цхинвал),
– Медико-социалон центры бæстыхай (г.Цхинвал),
– Уæрæсейы Федерацийы Мид-хъуыдæгты министрады Информацион-координацион центр æмæ Респуб-ликæ Хуссар Ирыстоны Мидхъуыд-дæгты министрады бæстыхæйтты I-аг этапы арæзтад æмæ реконструкци (г.Цхинвал),
– Уæрæсейы Федерацийы æмæ Республикæ Хуссар Ирыстоны мидхъуыддæгты органты иумæйаг Информацион-координацион центры бæстыхæйтты æмæ агъуыстыты комплексы II-аг этапы арæзтад (г.Цхинвал).
Ис ын цардæмбал, хъомыл кæны чызг.
Comments are closed, but trackbacks and pingbacks are open.