Президент Гаглойты Алан Республикæ Хуссар Ирыстоны адæмон артист, композитор æмæ музыкант Харебаты Вадимы схорзæхджын кодта Кады орденæй.
«Ды национ аивадмæ стыр хуынтæ бахастай, Хуссар Ирыстонæй бирæ дарддæр бæрзонд кодтай нæ культурæйы кад. Нæхи ‘рдыгæй мах хæсджын стæм дæуæн бузныг зæгъынæй æмæ дын де ‘нтыстытæн аккаг аргъ скæнынæн», – загъта паддзахады сæргълæууæг артистимæ фембæлды рæстæджы.
Гаглойты Алан музыкантæн загъта стыр æнтыстыты фæндиæгтæ, цæмæй адарддæр кæна йæ хæрзиуæгон хъуыддаг.
Харебаты Вадим хорзæхджын æрцыд музыкалон аивады фадыджы сгуыхтдзинæдтæ, бирæазон æнтыстджын куысты æмæ йæ 70-азон юбилейы тыххæй.
Культурæйы министр Зæгъойты Радæ банысан кодта юбиляры хорз адæймагон миниуджытæ.
«Уымæ гæсгæ мын дывæр æхсызгон у йемæ кусын. Тынг ахсджиаг у, абон махимæ кæй ис æмæ иумæ кæй кусæм, уый. Уый тынг зынаргъ у», – загъта министр æмæ артистæн бузныг загъта йе сфæлдыстады тыххæй.
Харебаты Вадим у, ансамбль «Бонвæрнон»-ы сырæзты активон хайад чи райста, уыдонæй сæ иу. Ныртæккæ кусы Паддзахадон эстрадон ансамбль «Мемориал»-ы директорæй.
Ацы æрмæджытæ дæр бакæс:
Гаглойты Алан: «Уырны мæ, кæй парахат кæндзыстут хъæздыг ирон культурæ»
Президент Гаглойты Алан схорзæхджын кодта профессор Гаглойты Аланы
ПРЕЗИДЕНТ КАДЫ ОРДЕНÆЙ СХОРЗÆХДЖЫН КОДТА ГАГЛОЙТЫ РОБЕРТЫ
ПРЕЗИДЕНТ СХОРЗÆХДЖЫН КОДТА КАДЫ АККАГ ÆМБÆСТÆГТЫ
БИБЫЛТЫ АНАТОЛИ ХÆЛАРДЗИНАДЫ ОРДЕНÆЙ СХОРЗÆХДЖЫН КОДТА ЭДУАРД ТАРАНЫ
