Республикæ Хуссар Ирыстоны Президент Гаглойты Алан мæсæллæйы тел арвыста Севастополы губернатор Михаил Развожаевæн.
Телы дзырдæуы:
«Цытджын Михаил Владимиры фырт!
Хъыгзæрдæйæ райстам, 23 июны Севастополы цы трагикон цау æрцыд, уый.
Уæрæсейы адæмы ныхмæ Киевы режим цы террор райхæлдта, уый 23 июны пляжы улæфæг адæмыл цæфæй адард кодта. Сыгъдæг Æртæиууон уаз боны æнæаххосджын сывæллæттæ æмæ хистæр кары адæм фæмардысты, фæцæф сты дæсгай адæймæгтæ. Украинæйы гарзджын тыхты фарсæрдыгæй æнæадæймагон архайдтытæн нæй срастгæнæн.
Ацы æбуалгъ трагедийы чи фæмард, уыдоны хиуæтты рыст нæхи рыстау æнкъарæм.
Республикæ Хуссар Ирыстоны адæм æмæ сæрмагондæй мæхи номæй мæсæллæйы ныхæстæ æрвитын фæмардуæвджыты бинонтæ æмæ сæ хиуæттæн. Æбуалгъ трагедийы чи фæцæф ис, уыдонæн та æрвитын тагъд сæнæниз уæвыны фæндиæгтæ».
***
Дагъыстаны Республикæйы сæргълæууæг Сергей Меликовмæ дæр РХИ-йы Президент Гаглойты Алан арвыста мæсæллæйы тел:
«Дербенты æмæ Махачкалайы аргъуаны службæгæнджытæ æмæ барадхъахъхъæнæг органты минæвæрттæ террористон акты амæттæгтæ кæй систы, уыцы хабар хъыгзæрдæйæ райстам.
Фыдракæнды фæстиуджыты йе ‘ввахс хиуæтты чи фесæфта, уыдонæн нæ хъынцъымы ныхæстæ зын зæгъæн сты. Ацы террористон фыдракæндæн карзæй тæрхон кæнæм.
Республикæ Хуссар Ирыстоны адæм æмæ сæрмагондæй мæхи номæй æрвитын мæсæллæйы æмæ фарсхæцынады ныхæстæ ацы æбуалгъ фыдракæнды фæмардуæвджыты бинонтæн æмæ æввахс хиуæттæн. Афтæ ма теракты чи бахъыгдард ис, уыдонæн тагъд сæнæниз уæвыны арфæтæ».
