Тагъд райдайдзæн футболæй Уæрæсейы фыццаг дивизионы чемпионат. Дзæуджыхъæуы «Алани» фыццаг хъазт акæндзæн 15-æм июлы «Уфа»-имæ. Ног сезонмæ командæйы цæттæ кæны тренер Бететы Сослан. Фæлæ журналист Сергей Ильев куыд хъусын кæны, афтæмæй Бетейы фыртæн нæй лицензи æрмæст PRO-йæ нæ, кæцы æнæмæнгхъæуæг у фыццаг дивизионы сæйраг тренерæй кусынæн, фæлæ ма «А» дæр, кæцы хъæуы, цæмæй ассистент уай. Сосланмæ ис æрмæст дæр лицензи «С».

Уымæ гæсгæ, Ильев, куыд фыссы, афтæмæй де-факто командæйыл къухдариуæг кæндзæн Бететы Сослан, де-юре та «Алани»-йы сæйраг тренер уыдзæн Султан Тазабаев.

Уæдмæ та командæйæ ацыд радон сæйраг хъазæг. Йæ контракт фæцис æмæ сæрибар агенты статусы ацыд централон æрдæгхъахъхъæнæг Цæраты Алан. Ацæуынмæ ма хъавы Хæбæлаты Алан дæр. Командæмæ æрбацыд 21-аздзыд хъахъхъæнæг Илья Москаленчик. Уыимæ контракт бафыст æрцыд 3 азы æмгъуыдмæ. Москаленчик у Белорусийы фæсивæдон æмбырдгонд командæйы хъазæг.

 

ДЗ Ю Д О

Грознæйы уагъд æрцыд Цæгат Кавказы Федералон зылды чемпионат дзюдойæ. Ерысты расгуыхтысты ирон дзюдоисткæтæ. Сыгъзæрин майдантæ рамбылдтой Челдыты Светланæ (48 кг), Æгъуызарты София (57 кг), Гæджиты Алинæ (63 кг), Зозырты Илонæ (70 кг) æмæ Джиоты Аделинæ (78 кг). Æвзист призертæ систы Чысиаты Вероникæ (57 кг) æмæ Елдзарты Рухсанæ (63 кг).

Хабæты Камиллæ (57 кг) æмæ Къутæрты Лилия (63 кг) та рамбылдтой бронзæ майдантæ.

ХУРИТЫ Батрадз

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.