Хицауады рабадты æруынаффæ æмæ сфидар кодтой «2022 азы Республикæ Хуссар Ирыстоны Социалон фонды бюджет æххæст кæныны тыххæй» хыгъд.

Æнæниздзинад хъахъхъæнын æмæ социалон рæзты министр Плиты Агуындæ куыд банысан кодта, афтæмæй Фонды бюджеты æфтиæгты иумæйаг гуырахст у 753438,6 мин сомы, хæрдзты иумæйаг гуырахст – 785345,7 мин сомы. Сæвзæргæ дефицит æхгæд æрцыд РХИ-йы Социалон фонды резервы хыгъдæй.

Социалон фонды бюджеты фæрæзтæ хардз цæуынц пенсиисджытæн пенситæ æмæ иурæстæгон бафыстытæ бакæнынæн, афтæ ма пособитæ бафидын. Банысан æрцыд, 2022 азы пенситæ бафидынæн хардз æрцыд 64 0746, 5 мин сомы. Пенсиисджыты нымæц 2022 азы 31 декабры уыд 5655 адæймаджы.

Пособитæ æмæ æндæр социалон бафыстытæн иу азы дæргъы хардз æрцыд 115130, 3 мин сомы.

Хыгъдæй бæрæг æрцыд, сывæллон райгуырды рæстæджы иурæстæгон бафыст кæй у 16700 сомы, сывæллонмæ кæсыны фæдыл æрвылмæйон бафыст, кæцы бæрæг æрцыд фæдзæхст адæймаджы  куыстмызды 40 процентæй у  5296,8 сомæй 30483,3 сомы онг.

 

Кадрон ивындзинæдты тыххæй

Хицауады сфидар кодтой, ивындзинæдтæм цы уынаффæйы проекттæ хауынц, уыдон. Сæйраджыдæр, министрты кабинеты уынаффæйæ хъæууон хæдзарады министры фыццаг хæдивæгæй сæрибар æрцыд Джиоты Э.Б.

Афтæ ма йæ бынатæй сæрибар æрцыд  ахуырад æмæ зонады министры хæдивæг Лолаты А.Д., 2023 азы 12 апрелы Президенты Барамындæй Ахуырад æмæ зонады министры бынатмæ нысан кæй æрцыд, уый фæдыл.

 

Добавить комментарий

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте, как обрабатываются ваши данные комментариев.