Президент Гаглойты Алан хайад райста Централон æвзарæн къамисы уæнгтæн паддзахадон хорзæхтæ радтыны цытджын церемонийы.
Уый банысан кодта РХИ-йы Президенты æвзæрстытæ бацæттæ кæнын æмæ ауадзыны хъуыддагмæ Централон æвзарæн къамисы кусджыты стыр хайбавæрд.
«Республикæйы сабырад æмæ стабилондзинад бирæбæрцæй баст у сымахыл – Централон æвзарæн къамисы кусджытыл. Бузныг уын 2022 азы президентон æвзæрстытæ бацæттæ кæнын æмæ ауадзыны куысты тыххæй. Сымах равдыстат куыстмæ раст ахастæвдисыны цæвиттон, не ‘мбæстæгты æвзарæн бартæ хъахъхъæнгæйæ», – загъта Президент.
Гаглойты Алан ма бузныг загъта Централон æвзарæн къамисы аппараты æппæт кусджытæн сæ куысты тыххæй.
***
Президент Гаглойты Алан Кады грамотæтæй схорзæхджын кодта Паддзахадон униатрон куыстуат «Водоканал»-ы кусджыты, кæцытæ хайад райстой донуадзæн Едис-Цхинвалы авари аиуварс кæныны хъуыддаджы.
Паддзахады сæргълæууæг бузныг загъта донуадзæны аварийы фæстиуджытæ аиуварс кæныны рæстæджы зын уавæрты куысты тыххæй.
«Æз мæхи цæстæй федтон, боныгон æмæ æхсæвы дæр куыд куыстат донуадзæны авари аиуварс кæныныл. Уый фæрцы нæ цæрджытæ цыбыр рæстæгмæ райстой нуазыны дон. Мах аргъ кæнæм уæ куыст, уæ профессионализмæн æмæ мæ фæнды бузныджы ныхæстæ зæгъын, авари аиуварс кæныны фæдыл уæ хъæбатыр куысты тыххæй», – загъта Президент.
Йæ рады, Паддзахадон унитарон куыстуат «Водоканал»-ы сæргълæууæг Сиукъаты Иван бузныг загъта Гаглойты Аланæн йæ хъусдарды тыххæй æмæ банысан кодта, зæгъгæ, алы кусæг дæр æнкъары республикæйы къухдариугады фарсæрдыгæй æххуыс.
«Мах архайæм, куысты цы зындзинæдтæ сæвзæры, уыдон афоныл аиуварс кæныныл. Æмæ уый сæххæст кæнын нæ бон не суыдаид æнæ уæ фарсхæцынад æмæ хъусдардæй. Фæнды мæ зæгъын уый дæр æмæ мах дарддæр дæр кæй кусдзыстæм нæ республикæйы цæрджыты хæрзиуæгæн», – загъта Сиукъаты Иван.
