26 февралӕй 4 мартмæ Хуссар Ирыстоны территорийыл ӕрцыд дыууӕ фыдракæнды ӕмӕ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Республикӕйы фӕндӕгтыл ӕрцыд иу фӕндагон-транспортон цау. Хъыгагӕн дзы иу адӕймаг фӕмард.
Фæндагон змæлды æдасдзинады инспекци дыууæ къуырийы дæргъы сбæлвырд кодта 280 фæткхалæн цауы. Уыдонæй 9 шофыры разындысты нозтджынтӕ кӕнӕ та уыдысты наркотикты ӕндӕвдады бын.
Милицийы экономикон фыдракæндтæ ма æруадзыны фæдыл управленийы кусджытæ рейдон мадзæлтты рæстæджы Цхинвалы районы Ногхъæуы иу дуканийы баййæфтой энергетикон нозтытæ уæййаг. Дуканийы хицауыл, горæт Цхинвалы 49-аздзыд цæрæгыл, бакодтой административон суагъæ æмæ йæ тæрхондон фæивар кæндзæн.
26 февралы изæрæй Знауыры поселокмæ æввахс æрцыд фæндагон-транспортон цау. Знауыры районы Фарны хъæуы 44-аздзыд цæрæг нæ сарæхст йæ автомашинæ «Toyota Mark X» скъæрын æмæ сæмбæлд йæ ныхмæ цæуæг уæзласæн автомашинæ «КамАЗ»-ыл. Аварийы фæстиуæгæн рог автомашинæйы шофыр бынаты фæмард.
27 февралы рынчындонмæ бахаудта горæты 42-аздзыд цæрæг, кæцы, хæдзары уæвгæйæ, фæулæфыд сыгъдхъæстæ.
29 февралы рынчындонмæ алыгъуызон цæфтимæ бахаудта горæты 64-аздзыд цæрæг. Куыд рабæрæг, афтæмæй сылгоймаджы хæдзары уæвгæйæ, ныццавта йæхи лæппу, 26-аздзыд бынæттон цæрæг. Оперативон-агурæн мадзæлттæ ауадзыны фæстиуæгæн цыбыр рæстæгмæ фыдгæнæг ахст æрцыд æмæ йæ бакодтой рæстæгмæдарæн изоляторы.
Горæт Цхинвалы мидхъуыддæгты управленийы кусджытæ баурæдтой 20 æмæ 22-аздзыд бынæттон цæрджыты, кæцытæ спайда кодтой марихуанæйæ. Ленингоры районы милицийы управленийы кусджытæ дæр марихуанæйæ спайда кæныны тыххæй баурæдтой Цирколы хъæуы 36-аздзыд цæрæджы. Тæрхондон фæткхалджыты фæивар кодта
