Сыгъдæгдзинад хъæуы алы бынаты дæр. Зæрдæйæн æхсызгон вæййы, хицæн æмбæстæгтæ сæ хæдзæртты алыварс территоритæм кæй здахынц æмбæлон хъусдард. Уыимæ ма фæдзурынц сæ зонгæтæм дæр æмæ иумиаг тыхтæй аиуварс кæнынц антисанитари. Фæлæ уæддæр сыгъдæгдзинадыл иууыл хъæппæрисондæр куыст кæнынц нæ горæты коммуналон хæдзарады кусджытæ. Хорз у, ахæм ахсджиаг æмæ æнæмæнгхъæуæг куыстыл лæуд кæй сты нæ республикæйы хицæн хъæуты дæр æмæ уый у раппæлинаг.
Ацы куыст хорз æвæрд у Цхинвалы районы хицæн хъæуты дæр. Цæвиттон, 2010 азæй æвæрццагæй скъуыддзаг æрцыд ацы фарст. Уæдæй фæстæмæ къуыри иу хатт быронласæн машинæ разилы Къостайыхъæу, Тъбет æмæ Ногхъæуы алы цæрæн хæдзары размæ æмæ цы бырæттæ æрæмбырд вæййынц, уыдоны фæхæццæ кæнынц æмбæлон бынатмæ. Цæрджыты хæрзиуæгæн сæ куыст æмбæлон æгъдауæй æххæст кæнынц шофыр Джиоты Ромик æмæ æвгæнæг Саулохты Нодар.
ХУЫБИАТЫ Никъала
