Дзæуджыхъæуы футболон командæ «Алани»-йæн бантыст уазæгуаты «Тюмен»-ы рамбулын. Фембæлд цыд Уæрæсейы Фыццаг дивизионы чемпионаты 23-æм туры фæлгæтты. Уый размæ, рамбулын нæ бантыст 8 хъазты фæд-фæдыл. Ныр дæр тас уыд командæ куы фембылды уыдаид, уымæй. Уæлдайдæр та алайнæгтæ цы дыууæ 11-метрон цæф нæ бакъуырдтой, уыдоны фæстæ. Фæлæ хъазты уæлæмхас рæстæджы дзæуджыхъæуккæгты хъахъхъæнæг Бутаты Аллонæн бантыст рæсугъд пурти бакъуырын. Афтæмæй «Алани»-йæн æрхаста уæлахиз.
«Алани» æрæмбырд кодта 36 очкойы æмæ турнирон таблицæйы цæуы 6-æм бынатыл. Радон хъазт Ирыстоны сæйраг футболон командæ акæндзæн 24-æм мартъийы Мæскуыйы «Родина»-имæ.
НОМАРÆН ТУРНИР
Ирон спортсментæ æртæ майданы рамбылдтой уæгъдибар хъæбысхæстæй Мæскуыйы уагъдцæуæг Уæрæсейы сгуыхт тренер Феликс Премильскийы номарæн турниры. Ерысты сыгъзæрин майданты хицæуттæ баисты Къаболаты Аслан (79 кг) æмæ Гæбæраты Арсен (125 кг). Бронзæйон призер та ссис Тауаситы Рамазан (61 кг).
Феликс Премильский спортивон æхсæнады зындгонд уыд æрмæст куыд тренер нæ, фæлæ фыццаджыдæр куыд алыгъуызон ерысты диктор, афтæ. Уый тыххæй йæ Хъæбысхæсты дунеон федераци схорзæхджын кодта FILA-йы сыгъзæрин æмæ бронзæйон ордентæй.
ХУРИТЫ Батрадз
