Нæ зынаргъ сылгоймæгтæ!
Арфæ уын кæнын Сылгоймæгты дунеон боны цытæн. Ацы бæрæгбон йемыдзаг у циндзинад æмæ уæлдай хъармдзинадæй. Абон мах кад кæнæм нæ зынаргъ мадæлтæ, цардæмбæлттæ, нанатæ, хотæ æмæ чызджытæн сæ куырыхондзинад, быхсындзинад æмæ æгæрон уарзондзинады тыххæй.
Сылгоймаг у нæ царды ныфс, йæ аразæг æмæ цырынгæнæг. Уый æнæраивгæ æцæгдзинад у.
Ирыстоны сылгоймагæн кæддæриддæр стыр кад кодтой. Рагæй фæстæмæ ирон сылгоймаг уыд хæрзнамысон идеалы – «æгъдау»-ы символ æмæ уыцы æппæт уæлтæмæн миниуджытæн кæддæриддæр стыр аргъ уыдис.
Растдæр сымах, нæ зынаргъ сылгоймæгтæ, стут канд хæдзары къонаæвæрæг нæ, фæлæ ма æнусон æнæфæцудгæ æргъадты хъахъхъæнджытæ – уарзондзинады, æнувыддзинады, кæрæдзиæмбарынады, хæдзары фæрныгады.
Сымахæн æнтысы æрвылбонон хъуыддæгтæ нывыл кæнын, бинонтыл аудын æмæ ма уыимæ уæ къухы æфтынц егъау профессионалон æнтыстытæ, активон хайад исут нæ республикæйы æхсæнадон æмæ политикон царды.
Бузныджы уæлдай ныхæстæ мæ фæнды зæгъын нæлгоймæгты æмрæнхъ, сæрибардзинад æмæ сабыр царды бартæ хъахъхъæнæг, сæрмагонд æфсæддон операцийы активон архайæг сылгоймæгтæн. Бузныг уын, уæ цæвиттойнаг æхсардзинад, службæ æмæ Райгуырæн зæхмæ æнувыддзинады тыххæй.
Мæ сæрæй ныллæг кувын хъайтарты ныййарджытæн. Сымах схъомыл кодтат æцæг патриотты. Фыдыбæстæйы национ интерестæ хъахъхъæнгæйæ раззаг хаххыл лæугæйæ, уыдон æвдисынц æхсардзинад æмæ хъæбатырдзинады цæвиттонтæ. Уадз, æмæ уæ лæппутæ æрыздæхæнт сæ хæдзæрттæм æнæниз æмæ сæрæгасæй!
Зынаргъ сылгоймæгтæ, мæ цæст уын уарзы амонд æмæ хорз зæрдæйы уаг. Уадз, æмæ уæ хæдзæртты кæддæриддæр уæд уарзондзинад, кæрæдзиæмбарынад æмæ циндзинад. Бæрæгбоны хорзæх уæ уæд!
Республикæ Хуссар Ирыстоны Президент Гаглойты Алан
