Зынаргъ сылгоймæгтæ!

Зæрдæбынæй уын арфæ кæнын Сылгоймæгты дунеон бон 8-æм марты цытæн!

Ацы бæрæгбон у уалдзæджы райдиан,  æрдзы райхъалы æмæ  ног царды сæвзæрды нысан. Афтæ ма сымахмæ, зынаргъ сылгоймæгтæ,  ис ахæм миниуæг æмæ уæ алыварс аразут æнцойдзинад, рæсугъддзинад æмæ гармони. Нæ зæрдæты райхъал вæййынц, нæ цард нын ноджы аивдæр цы æнкъарæнтæ кæнынц, уыдон.

Ирыстоны сылгоймæгтæ алы хатт дæр уыдысты социалон æмæ æхсæнадон процессты зынгæ активон архайджытæ. Уыдон нæлгоймæгтимæ иумæ æвзæрстой хæсты зындзинæдтæ, æдзух нæ фарсмæ уæвгæйæ æмæ нын æххуыс кæнгæйæ.

Нæ рæсугъд æмтохгæнджытæ, сымах бирæ зындзинæдтæ бавзæрстат æмæ мах архайдзыстæм, цæмæй алыхатт дæр хатат нæ хъусдард æмæ нæ аудындзинад, цæмæй фылдæр  худат.

Нæ уарзон сылгоймæгтæ – мæдтæ, нанатæ, чызджытæ, бинойнæгтæ,  æмбæлттæ, уадз æмæ уæ цард уалдзæгау рæсугъд уæд æмæ уын уæ алы бон дæр æхцондзинад хæссæт.

 

Республикæ Хуссар Ирыстоны Президент

Бибылты Анатоли

 

***

Нæ зынаргъ, рæсугъд сылгоймæгтæ!

Бар мын раттут, цæмæй уын Хицауады æмæ мæхи номæй зæрдæбын арфæ ракæнон Сылгоймæгты дунеон бо – 8-æм марты цытæн!

Традицион æгъдауæй уалдзæджы фыццаг бонты мах сымахæн лæвар кæнæм уарзты æмæ бузныджы ныхæстæ, уымæн æмæ сылгоймаджы диссаджы хуызы иу кæнынц ахæм æмбарынæдтæ куыд  Цард, Уарзондзинад æмæ Уалдзæг.

Уæ удуæлдай лæггад бинонтæн, сывæллæттыл æмæ хиуæтыл аудын сты стабилондзинады бындур, не ‘хсæнады социалон æмæ экономикон фæрныгады нысан.

Царды иууыл зындæр уавæрты сымах нæ фесафут уæ уды хъæддыхдзинад æмæ зондджындзинад. Уæ алыварсуæвджытæн банкъарын кæнут ныфс æмæ оптимизм, æмæ уæ уарзт æмæ хиуыл нæ ауæрдын та, махæн, нæлгоймæгтæн, у ныфсдæттæг цæвиттон.

Ацы бæрæгбоны алы сылгоймагæн дæр мæ цæст уарзы хорз амонд, удæнцойдзинад, бинонты фæрныгад, уарзондзинад æмæ уæ бæллицтæ цы æххæст кæной.

Республикæ Хуссар Ирыстоны Хицауады Сæрдар Пухаты Эрик

 

 

***

Республикæ Хуссар Ирыстоны зынаргъ сылгоймæгтæ!

Зæрдæбынæй уын арфæ кæнын уалдзæджы иууыл хуыздæр æмæ хъæлдзæгдæр бæрæгбон- 8-æм марты боны цытæн! Ацы бæрæгбон бæстæ байдзаг кæны уалдзыгон дидинджытæй, фæлмæн мидбылхудтæй, свæййы нын нæ мæдты, нæ бинойнæгты, нæ хотæ æмæ нæ чызджытæн уарзондзинады æнкъарæнтæ раргом кæныны бон. Дунейы иууыл рæсугъдæр у сылгоймаг, уый цард кæны хуыздæр æмæ аивдæр, лæвар нын кæны уарзондзинад æмæ ныл сагъæс кæны, нæ царды фæндагыл немæ цæуы æмæ нын æххуыс кæны. Мах бузныг стæм уæ быхсындзинад, уды сконды рæсугъддзинад æмæ гармонийæ. Мах дисы æфтауы, сымах хæдзары куыд таут æнцойдзинад, сывæллæтты кæй хъомыл кæнут, уæ хиуæттæм стыр хъусдард кæй дарут, сæрыстыр стæм уæ профессионалон æмæ æхсæнадон архайды æнтыстытæй.

Ацы уалдзыгон бæрæгбоны мах кады æмæ бузныджы ныхæстæ дзурæм нæ сылгоймæгтæн. Нæ адæмы историйы иууыл зындæр азты сымах бирæ фыдæбæттæ бавзæрстат, фæлæ фидар фæлæууыдыстут, æмæ æххуыс кодтат куыд ныхасæй афтæ хъуыддагæй дæр нæ Райгуырæн зæххы хæдбардзинад хъахъхъæнджытæн.

Зынаргъ сылгоймæгтæ! Æппæт нæлогоймæгты номæй уын мæ цæст уарзы æнæниздзинад, фæрныгад æмæ æнтыстытæ! Уадз æмæ уæ бинонты царды уæд æмбарындзинад, уæ сывæллæтты æнтыстытæй уæ зæрдæтæ рухс кæнæд, æмæ уæ цард та байдзаг уæд цин æмæ хорздзинадæй.

Республикæ Хуссар Ирыстон-Паддзахад Аланийы

Парламенты Сæрдар Гасситы Петр

Comments are closed, but trackbacks and pingbacks are open.