Цытджын сылгоймæгтæ! Нæ зынаргъ мæдтæ, нанатæ, хотæ, чызджытæ!
Республикæ Хуссар Ирыстоны Парламенты æмæ уын сæрмагондæй мæхи номæй арфæ кæнын Сылгоймæгты дунеон бон 8-æм марты цытæн.
Уый у алы нæлгоймаджы царды иууыл зынаргъдæр æмæ æввахс адæймагæн кад æмæ цыт кæныны бæрæгбон.
Сымах нын, сылгоймæгтæ, лæвар кæнут цард, нæ цард нын йедзаг кæнут уарзондзинад, гармони, æнувыддзинадæй. Сымах нæ цырын кæнут ног уæлахизтæм, æххуыс нын кæнут уæ уынаффæтæй æмæ хайадистæй царды цыфæнды зындзинæдтыл дæр фæуæлахиз уæвынæн. Бузныг уын, уæ куыстуарзондзинад æмæ æххуысы, æмбарынад æмæ куырыхондзинады, хъармдзинады, нæ цард, нæ нырыккон карз дунейы нын кæй хуыздæр кæнут.
Нырыккон сылгоймагæн, егъау сфæлдыстадон æмæ интеллектуалон хъомысадимæ, йæ бон ссис æхсæнадон царды алы фадгуыты йæхи среализаци кæнын, егъау æнтыстытæ йæ къухты бафтыд политикæ, бизнес, зонад, æнæниздзинад хъахъхъæныны æмæ æндæр къабæзты.
Бузныджы ныхæстæ мæ сæрмагондæй фæнды зæгъын, сæрмагонд æфсæддон операцийы сæ хæс цы лæппутæ æххæст кæнынц, уыдоны ныййарджытæн, Райгуырæн бæстæйы æцæг патриоттæй сæ кæй схъомыл кодтой.
Мæ цæст уын уарзы фидар æнæниздзинад, бинонты фæрныгад, амонд, уарзт æмæ кæрæдзиæмбарынад.
Республикæ Хуссар Ирыстоны Парламенты Сæрдар Æлборты Алан
