Президент Гаглойты Алан раарфæ кодта Паддзахадон исад æмæ зæххы ахастыты фæдыл комитеты кусджытæн сæ профессионалон бæрæгбоны цытæн.
Фембæлды рæстæджы паддзахады сæргълæууæг бузныг загъта ведомствойы кусджытæн сæ куысты тыххæй, æмæ банысан кодта, зæгъгæ, хуыздæр фæстиуджытæ райсыны тыххæй иууылдæр хъуамæ кусой æмдыхæй.
«Сымахыл æвæрд ис егъау хæстæ, æмæ сæ кадимæ æххæст кæнут, фæлæ нырма хъæуы бирæ куыст бакæнын. Цæсгомджын куыстæн алыхатдæр вæййы хорз фæстиуджытæ», – загъта Гаглойты Алан.
Ведомствойы хуыздæр кусджыты сæ бирæазон цæсгомджын фæллойы тыххæй Президент схорзæхджын кодта Республикæ Хуссар Ирыстоны кады грамотæтæ æмæ бузныджы ныхæстæй.
