Фæстаг азты иууыл масштабондæр мадзал – Фæсивæды дунеон фестивалмæ Хуссар Ирыстоны делегаци йæхи цæттæ кæны. Уагъд æрцæудзæн ацы аз 1-æм марты горæт Сочийы Центр «Сириус»-ы территорийыл. Ардæм æрцæудзысты дунейы 180 бæстæтæ фылдæрæй æвзонг, суинаг æмæ цымыдисаг адæм.
Республикæйы фæсивæдон политикæ æмæ спорты фæдыл комитеты пресс-службæ куыд фехъусын кодта, афтæмæй хуссарирыстойнаг фæсивæд йæхи цæттæ кæны æппæт фадгуыты дæр равдисынмæ.
«Къуырийы райдайæны фембæлдыстæм фæсивæди-мæ, ома, алы здæхтыты минæ-вæрттимæ. Уыдон нын раргом кодтой сæ идейæтæ æмæ хъуыдытæ. Æрныхас кодтам, фестивалы равдисынмæ цы фæнд кæнæм æмæ ма иннæ пълæнттыл дæр», – загътой пресс-службæйы.
Фæсивæдон политикæ æмæ спорты фæдыл комитеты сæрдар Хубежты Руслан æмæ Президенты администрацийы сæргълæууæджы хæдивæг Тыбылты Алан лæмбынæг æрдзырдтой фидæны балцы ахсджиаг нюанстыл. Æвзонг журналисттæн йæ экспертон хъуыды загъта РХИ-йы Президенты администрацийы информацион-аналитикон управленийы хистæр Уазæгты Юри.
Цæттæ кæныны фæдыл куыст адарддæр уыдзæн ног къуыри.
