Ирон дзюдоист Коцойты Зелим ссис дунейы чемпион. Ерыстæ уагъд цыдысты Абу-Дабийы. Зелим архайы Азербайджаны тырысайы бын. 25-аздзыд спортсмен финалы фæуæлахиз канадæйаг Шади Эльнахсыл. Уымæн ахæм æнтыст йæ къухты бафтыд фыццаг хатт. Раздæр, 2022 æмæ 2023 азты дунейы чемпионатты рамбылдта бронзæ майдантæ.
Абу-Дабийы дунейы чемпионаты бронзæйон призер та ссис Уæрæсейы æмбырдгонд командæйы уæнг Таймæзты Мадинæ. Уый та хæцыд 70 кг уæзы категорийы. Æртыккаг бынат бацахсыны сæраппонд тохы Мадинæ тыхджындæр уыд Грецийы минæвар Елизавета Тельсидæй.
Таймæзты Мадинæ у Олимпион хъæзтыты бронзæйон призер, афтæ ма 2023 азы Европæйы чемпионаты æвзист призер.
ХУРИТЫ Батрадз