Республикæ Хуссар Ирыстоны Уæлвæткон æмæ Æххæстбарджын минæвар Гасситы Знауыр Уæрæсейы Фæсарæйнаг хъуыддæгты министрады фæхуындмæ гæсгæ, Дипломатон кусæджы бæрæгбоны фæлгæтты хайад райста Уæрæсейы Фæсарæйнаг хъуыддæгты министрады бæстыхайы мемориалон фæйнæджытыл УФ-йы Фæсарæйнаг хъуыддæгты министр Сергей Лавровимæ дидинджытæ сæвæрыны цытджын церемонийы.
Традицион æгъдауæй ссардтой Уæрæсейы Фæсарæйнаг хъуыддæгты Адæмон къамисариаты кусджыты, дипломатты рухс нæмттæ, кæцытæ сæ цард радтой Стыр Фыдыбæстæйон хæсты фронтты, афтæ ма, се службæйон хæстæ æххæст кæныны рæстæджы чи фæмард, уыцы дипломатты æмæ политикон репресситы хъыгдардбаййафæг адæймæгты рухс нæмттæ дæр.
Дидинджытæ сæвæрыны церемонийы фæстæ Сергей Лавров йæ арфæйы ныхасы бузныг загъта Хуссар Ирыстонæн æмзæрдæдзинады тыххæй. УФ-йы Фæсарæйнаг хъуыддæгты министр, сæрмагондæй, загъта: «Уый ноджыдæр бæлвырд кæны, мах иумæйаг хъуыддæгтæ кæй скъуыддзаг кæнæм. Уымæй мах дарддæр кæнæм, уартæ ма иумæйаг паддзахады куы цардыстæм, уæд цы традицитæ фидар æрцыдысты, уыдон. Уый нын æххуыс кæны ныртæккæ дæр æрмæст алы бæстæйы суверенитеты бындурыл æмархайд сфидар кæнынæн нæ, фæлæ ма нæ адæмты интересты хæстæ скъуыддзаг кæнынæн дæр».
Гасситы Знауыр бузныджы ныхæстæ загъта Сергей Лавровæн республикæмæ йæ лæмбынæг хъусдарды тыххæй. Дипломатон кусæджы боны сæраппонд æй бафæндыд уымæн æнæниздзинад æмæ æнтыстытæ дунеон аренæйы Уæрæсейы интерестæ хъахъхъæныны ахсджиаг миссийы.
