21-æм февралы киноконцертон зал «Чермен»-ы уыдис бæрæгбонон концерт. Мадзал бацæттæ кодта горæт Цхинвалы администрацийы  культурæйы хайад.

Концерт бабæрæг кодтой столицæйы мэр Къадзты Гено, Хуссар Ирыстоны Уæрæсейы Федерацийы минæварады хистæр уынаффæгæнæг Максим Ершов, Цхинвалы «Русский дом»-ы сæргълæууæг Сергей Скворцов æмæ республикæйы цæрджытæ.

Изæр æрбайгом кодтой  хореографион ансамбль «Ирон»-ы артисттæ.

Хуссар Ирыстоны сгуыхт артист Тасойты Игорь сæххæст кодта зарæг «Господа офицеры», æмæ йæм æрбацæуджытæ байхъуыстой лæугæйæ. Концертон программæйы хайад райстой хуссарирыстойнаг эстрадæйы артисттæ: Плиты Георги, Икъаты Миленæ, Лалыты Альберт, Къæбулты Аннæ, Гатыгкоты Линæ, эстетикон гимнастикæйы командатæ, зынгæ фæндырдзæгъдæг Дудайты Сæрмæт, республикæйы адæмон артист Харебаты Вадим æмæ вокалон къорд «Булæмæргъ».

Мадзалы кæрон Тасойты Игорь сæххæст кодта зарæг «Отчизна Родина моя».

Ахæм цытджын мадзæлттæ республикæйы алы рæтты цæудзысты æнæхъæн къуырийы дæргъы.

Ацы æрмæджытæ дæр бакæс:

Зарджытæй – бæрæгбонон лæварæн Уалдзæджы æрбалæуд æмæ сылгоймаджы кадæн Банысан кодтой сæ кадджын бæрæгбон «Кад кæнæм фыдыбæстæ хъахъхъæнæгæн» Къуайсайы: Фыдыбæстæ хъахъхъæнджыты цытæн бæрæгбонон мадзæлттæ

Comments are closed, but trackbacks and pingbacks are open.