Цытджын студенттæ!
Арфæ уын кæнын Татьянæйы боны цытæн.
Студентон азтæ сты тынг бæрнон æмæ ирд цардуагон рæстæг. Æцæг диссаджы рæстæг, кæцы нын фадат дæтты æнтыстджын хиреализацийæн, серьезон перспективон идейæтæ æмæ проекттæ æххæст кæнынæн.
Студентон азты фидар æрцæуы фидæны æнтыстыты бындур. Сымах слæууыдыстут зын, фæлæ зонындзинæдтæ базоныны æгæрон цымыдисон фæндагыл. ХИПУ та алыхатт зындгонд уыд йæ ахуырады бæрзонд æмвæзад, хорз ахуыргæнджытæ æмæ курдиатджын студент-тæй. Уый у сæрмагонд æмæ карьерон рæзты хуыздæр фæзуат. Сымахыл, æмæ Уæрæсейы Федерацийы зынгæ уæлдæр ахуыргæнæндæтты чи ахуыр кæны, уыцы æмбæстæгты архайд æмæ бæрндзинадыл бирæ бæрцæй баст у нæ республикæйы сомбон.
Уырны мæ, сымах кæй суыдзыстут уæлдæр ахуыры специалисттæ æмæ æппæт тыхтæ кæй ратдзыстут, цæмæй ахсджиаг хайбавæрд бахæссат РХИ-йы рæзт æмæ дидинæфтыдмæ. Зондджын æмæ курдиатджын фæсивæд, сымах стут нæ паддзахады фидæн.
Зынаргъ хæлæрттæ!
Мæ цæст уын уарзы хорз ахуыр, уды хъæддыхдзинад, фылдæр æнтыстытæ æмæ ирд уæлахизтæ. Макуы рох кæнут, зонындзинæдтæ кæй сты адæймагæн цы ис, уыдонæй иууыл зынаргъдæр ресурстæ. Пайда кæнут уæ тыхтæй æмæ фадæттæй максималон æгъдауæй. Æууæндут уæхиуыл æмæ банысангонд плæнттæ фидарæй æххæст кæ-нут!
Бæрæгбоны хорзæх уæ уæд!
Республикæ Хуссар Ирыстоны Президент Гаглойты Алан
***
Зынаргъ студенттæ!
Республикæ Хуссар Ирыстоны Парламент æмæ уын сæрмагондæй мæхи номæй арфæ кæнын Студенты боны цытæн.
Студенты бонтæ сты алы адæймаджы царды диссаджы рæстæг, гоймаджы æндидзынады æмæ дидинæфтыды рæстæг. Растдæр ныртæккæ сымах стут уæ професси равзарыны фæндагыл, цардуагон профессионалон фæндаджы райдиан этапы. Уæ нысанæвæрды фидар æмбарынад æмæ уæ нысаны фæдыл æнæфæцудгæйæ цæуын алы адæймагæн дæр у ахсджиаг хъуыддаг.
Нæ адæм алыхатт дæр стыр кад кодтой ахуыр адæмæн, егъау цымыдисдзинад æвдыстой зонындзинæдтæм. Республикæйы хъæуы нырыккон бæрзондквалификациджын кадртæ, æмæ растдæр сымах, абоны студентты, бахъуыд ацы традицитæ адарддæр кæнын, цæмæй аккагæй рæзын кæнат райдайгæ экономикон æмæ социалон ивындзи-нæдтæ, кæцытæ здæхт сты цæрджыты цард фæхуыздæр кæнынмæ. Уæлдæр ахуыргæнæндоны ист зонындзинæдтæ уын баххуыс кæндзысты царды бынат ссарынæн æмæ ахъаз уыдзысты паддзахадон арæзтады ахсджиаг хæстæ скъуыддзаг кæнынæн.
Студентон азты цард ирд тæлмæнтæй, зонындзинæдтæй дзаг вæййынц.
Ацы нысаниуæгджын боны уын мæ зæрдæ зæгъы фидар æнæниздзинад, уæ фæндтæ æмæ разылæууæг хæстæ куыд æххæст кæнат, амонд æмæ фæрныгад уæд уæц ардуагон фæндаджы алы къахдзæфы дæр.
Республикæ Хуссар Ирыстоны Парламенты Сæрдар Æлборты Алан
