Украинæйы сæрмагонд æфсæддон операци уадзыны рæстæджы Хуссар Ирыстонæй ацы операцийы хайадисджытæн æдæппæт æрвыст æрцыд 14 уæзласæн автомашинæйы гуманитарон æххуыс. Уый тыххæй РИА Новостийæн фехъусын кодта РХИ-йы Президенты æххуысгæнæг Плиты Алан.

«Хуссар Ирыстонæй бархионтæн æмæ Цхинвалы дислокацигонд УФ-йы Гарзджын тыхты 4-æм гвардион æфсæддон базæйы службæгæнджытæн Хуссар Ирыстоны æппæт цæрджытæ æрæмбырд кодтой æмæ арвыстой 14 машинæйы гуманитарон æххуыс. Президент йæхæдæг ивгъуыд азы кæрон уыд Донбассы æмæ йемæ аласта гуманитарон æххуыс. Мах кæдæриддæр бастдзинад дарæм нæ хæстонтимæ, бафæрсæм сæ, цы сæ хъæуы, уымæй. Цæвиттон, уыдонæн зымæгмæ балхæдтам зымæгон формæ, ныр та сын ныззаказ кодтам уалдзыгон-фæззыгон формæ», – загъта Плийы фырт.

Хуссар Ирыстоны Президент Гаглойты Алан уый размæ фæндон бахаста, цæмæй республикæйы арæзт æрцæуа æхсæнадон организаци Украинæйы сæрмагонд æфсæддон операцийы хайадисджытæ æмæ сæ бинонтæн æххуысы тыххæй. Февралы мæйы Президент йæ къух æрфыста Уæрæсейы сæрмагонд æфсæддон операцийы хайадисджытæ æмæ сæ бинонты уæнгтæн æххуысы мадзæлтты тыххæй Барамындыл.

Comments are closed, but trackbacks and pingbacks are open.