Мæрзойты Аркадийæн — инæлар-лейтенанты ном

Уæрæсейы Федерацийы Президент Владимир Путины Барамындæй 22-æм æфсæддон корпусы командир Мæрзойты Аркади Уасилы фыртæн лæвæрд æрцыд инæлар-лейтенанты радон æфсæддон ном. Мæрзойы фырт сæрмагонд æфсæддон операцийы хайад исы фыццаг бонтæй фæстæмæ.

Инæлар Мæрзойты Аркадийы корпус хæцгæ-хæцын рацыд 100 километрæй фылдæр сæрмагонд æфсæддон операцийы фыццаг бонты æмæ байгом кодтой цæгаттаг-хъырымаг къанауы шлюзтæ æмæ æрдæгсакъадахы цæрджытæн радтой, рагæй кæмæ æнхъæлмæ кастысты, уыцы дон. Æнæраивгæйæ раззаг хаххы уæвæг хæстон командиры сæргълæудæй, хъырымаг къорды сæрмагонд сконд аст мæйы дæргъы урæдта Днепры рахиз донбылгæроны стратегион плацдарм. Абон хъахъхъæны арæн, Уæрæсейы национ интерестæ ифтонг кæнгæйæ.

Мæрзойты Аркади Хъырымы 22-æм æфсæддон корпусы командирæй нысангонд æрцыд 2021 азы ноябры мæйы. Уæрæсейы Гарзджын Тыхты Хуссар æфсæддон зылды ацы оперативон-тактикон баиугæнд у æрдæгсакъадахы сурзæххон тыхты бындур.

Хæстон инæлар Мæрзойты Аркади у æфсæддон династийы минæвар, фронтон булкъон Мæрзойты Уасилы фырт. Уый у УФ-йы Гарзджын тыхты уæлдай фæлтæрдджындæр æфсæддон командиртæй иу, кæцы службæ кæны уæлдай бæрнондæр здæхтыты, цыран фæхъæуы фидар фæндон æмæ бæрзонд профессионализм. Абон Аркади у уæрæсейаг æфсады архайгæ дыууæ инæлар-иронæй иу. Хайад иста фыццаг цæцæйнаг кампанийы, хорзæхджын у «За отвагу»-йы майданæй. Командæ кодта сæрмагонд нысаны хицæн ротæйыл, 58-æм армийы хицæн мотоæхсæг батальоныл æмæ та но-гæй Цæцæн, дыккаг компани. Йæ хъайтардзинады тыххæй йæ бавдыстой паддзахадон хорзæхтæм æмæ æмгъуыдæй раздæр райста æфсæддон ном.

Хæстон афицер, æвзонг дæлбулкъон каст фæцис Гарзджын тыхты иумиагæфсæддон академи. Йæ ахуыры рæстæджы бинонтыл уæззау зиан æрцыд трагеди: Цæцæны йе ’фсæддон хæс æххæст кæнгæйæ фæмард йæ хистæр æфсымæр, 58-æм армийы командæгæнæджы хæдивæг Мæрзойты Станислав. Академи тынг хорз нысæнттыл каст фæуыны фæстæ Аркади æрæздæхт Кавказмæ, Цæцæнмæ æмæ службæ кæнын райдыдта хæстон архайдтыты фæдыл мотоæхсæг полчы командиры хæдивæгæй. 2008 азы августы ацы полчы сыстын кодтой хæстон фæдисы фæдыл Хуссар Ирыстоны адæмæн баххуыс кæнынмæ ацæуыны бардзырдимæ.

Мамыхъаты Сосланæн — «Æфсæддон кады» майдан

Сæрмагонд æфсæддон операци
Сæрмагонд æфсæддон операци

Уæрæсейы Федерацийы Хъахъ-хъæнынады министры бардзырдмæ гæсгæ Цæгат Ирыстон-Алани-йы цæрæг Мамыхъаты Сослан хорзæхджын æрцыд УФ-йы Хъахъхъæнынады министрады 2-аг къæпхæны «Æфсæддон кады» майданæй Украинæйы сæрмагонд æфсæддон операцийы рæстæджы равдисгæ хъайтардзинады тыххæй.

Хорзæхджын æрцыд Суворовы майданæй

Сæрмагонд æфсæддон операци
Сæрмагонд æфсæддон операци

Ирыстойнаг Саутиты Арсен (Азæмæт) Украинæйы сæрмагонд æфсæддон операцийы равдисгæ хъæбатырдзинады тыххæй райста хорзæх — Суворовы майдан. Арсен у Цæгат Ирыстон-Аланийы Æрыдоны районы Хъæдгæроны хъæуккаг. Хæстон сæрмагонд операцийы хайад исы йæ фыццаг бонтæй фæстæмæ. Æфсæддон службæгæнджытæ Суворовы майданæй хорзæхджын цæуынц Фыдыбæстæ æмæ Уæрæсейы Федерацийы паддзахадон интерестæ хъахъхъæныны рæстæджы хисæрмагонд хъайтардзинад равдисыны тыххæй.

Нæ уацх.