Юриспруденцийы фадыджы бирæ азты дæргъы цæсгомджын куысты æмæ йæ райгуырæн боныл 80 азы сæххæсты цытæн Президент Гаглойты Алан Гаглойты Русланы схорзæхджын кодта Кады орденæй.
Паддзахады сæргълæууæг раарфæ кодта юбилярæн æмæ банысан кодта Хуссар Ирыстоны æндидзынад æмæ рæзтмæ уæзгæ хайбавæрд кæй бахаста.
«Бузныг дын Хуссар Ирыстоны хæрзиуæгæн дæ куысты тыххæй», – загъта Президент.
Йæ рады, Гаглойты Руслан дæр бузныг загъта Президентæн йæ архайдæн ахæм стыр аргъы æмæ паддзахадон хорзæхы тыххæй.
«Æз кусын райдыдтон фæскомцæдисы, уый фæстæ куыстон юстицийы органты, тæрхондоны, прокуратурæйы æмæ фæстагмæ та культурæйы министрады. Уырнгæ дæр мæ нæ кæны, 80 азы мыл кæй сæххæст. Фæлæ æз райгонд дæн цы цард фæкодтон, уымæй», – загъта уый
