Зынаргъ æмбæстæгтæ!
Уæрæсейы бон у нæ иумæйаг Райгуырæн бæстæйы иудзинад æмæ сæрæстырдзинады бæрæгбон. Ацы æппæтадæмон бæрæгбон æнгом кæны алкæйы дæр – йæ Фыдыбæстæйыл æнувыд чи у, йæ æнусон традицитæн, хæрзнамысон æргъадтæ æмæ монон бындуртæн чи аргъ кæны, уыдоны.
Хуссар Ирыстоны Уæрæсейы бон у паддзахадон бæрæгбон. Республикæйы цæрджытæн сæ фылдæр сты Уæрæсейы Федерацийы æмбæстæгтæ. Мах нæхи нымайæм егъау паддзахады иу хайыл æмæ аргъ кæнæм нæ ахастытæн, кæцытæ арæзт цæуынц кæрæдзийæн кад кæныны, партнердзинад æмæ æмцæдисады бындурыл.
Уæрæсе у Хуссар Ирыстоны æдасдзинады æмæ стабилон рæзты гарант. 2008 азы августы, Гуырдзыстон Хуссар Ирыстоны ныхмæ куы райтынг кодта уæрæхмасштабон хæст, уæд Уæрæсе бахъахъхъæдта нæ адæмы. Уый республикæйæн бакодта æфсæддон æмæ гуманитарон æххуыс. Гуырдзыстоны тыхæй æркодта сабырадмæ, уыимæ иумæ аиуварс кодта хуссарирыстойнаг адæмы скуынæг кæныны тасдзинад, банымадта Хуссар Ирыстоны паддзахаддзинад.
Уæрæсе дуджы домæнтæн алыхатт дæр дзуапп лæвæрдта хъæбатырæй, адæмы иудзинадæй æмæ кусынмæ тырнындзинадæй. Уæрæсейы адæмы та бахъуыд æддагон æртхъирæнты ныхмæ фæлæууын. Уæрæсейаг æфсæддон службæгæнджытæ, уыдоны рæнхъыты Хуссар Ирыстоны хæстонтæ, тох кæнынц Украинæйы нацизмæй ссæрибар кæныныл. Патриотизм, сæрибардзинад, рæстдзинад – сты ахæм æргъадтæ, кæцыты сæрыл мах ногæй тох кæнæм абон.
Ныфс мæ ис, мах кæй фæуæлахиз уыдзыстæм!
Зынаргъ хæлæрттæ!
Ацы бæрæгбоны уын мæ зæрдæ зæгъы, æнæниздзинад, сабырад, æнтыстытæ æмæ æппæт разылæууæг нысæнттæ сæххæст кæныны фæндиæгтæ нæ егъау, æгæрон Уæрæсейы хæрзиуæгæн!
Республикæ Хуссар Ирыстоны Президент ГАГЛОЙТЫ Алан
***
Арфæ – Уæрæсейы боны цытæн
Республикæ Хуссар Ирыстоны Парламент æмæ уын сæрмагондæй мæхи номæй арфæ кæнын Уæрæсейы боны цытæн.
Уæрæсейы бон махæн, куыд Уæрæсейы æмбæстæгтæн, æрмæст цытджын бæрæгбон нæу, фæлæ у сæрибардзинады æмæ сæрибаргæнæн тохы нæ уæлахизы Уæрæсейы бирæнацион адæмтимæ хæлардзинады æмæ æмгуыстады символ.
Нæ ног историйы иууыл зындæр азты, хæдбардзинады сæрыл тохы азты, растдæр уæрæсейаг адæм, Уæрæсейы къухдариуæгад нæ фарсмæ æрбалæууыдысты, бакодтой нын æфсæддон, гуманитарон æххуыс. Уый уыд æнæмæнгхъæуæг гуырдзиаг агрессийы фæстиуæгæн пырх адæмон хæдзарад æндидзын кæнынæн. Растдæр Уæрæсейы фæрцы æххæст цæуы республикæйы рæзты фæдыл Инвестицион программæ.
Мах сæрыстыр стæм стыр уæрæсейаг адæмимæ хæлардзинадæй æмæ стæм, Уæрæсейы къухдариуæгад цы стратегион курс уадзы, уый æвварс, кæцы здæхт у æхсæнадæмон аренæйы йæ авторитет сфидардæр кæнынмæ, экономикæйы модернизаци æмæ уæрæсейæгты царды гъæд фæхуыздæр кæнынмæ. Нæ адæм, куыд æппæт уæрæсейæгтæ, ацы бæрæгбоныл æмбæлынц оптимизмимæ æмæ рæзты раст равзаргæ фæндаджы ныфсимæ.
Уæрæсейы боны хорзæх уæ уæд, зынаргъ æмзæххонтæ, Уæрæсейы æмбæстæгтæ. Мæ цæст уын уарзы æнæниздзинад, хорздзинад æмæ фæрныгад.
Республикæ Хуссар Ирыстоны Парламенты
Сæрдар ÆЛБОРТЫ Алан
