Зынаргъ æмбæстæгтæ!

Арфæ уын кæнын Уæрæсейы Федерацийы сæйраг паддзахадон бæрæгбоны цытæн. Уæрæсейы бон Хуссар Ирыстонæн æрмæст хорз æмгар æмæ стратегион партнеры бæрæгбон нæу, фæлæ ма у ахсджиаг бон республикæйы цæрджытæн, кæцытæн сæ 95 проценты сты Уæрæсейы Федерацийы æмбæстæгтæ.

Иумæйаг бæрæгбонтæ фидар кæнынц хæлардзинады ахсджиагдзинад. Уымæн йæ историйыл цæуы бирæ азтæ æмæ дзаг у бирæ æфсымæрон æмæ цæдисон ахастыты æвдисæг цаутæ.

Абон Хуссар Ирыстоны æмæ Уæрæсейы хорз ахастытæ æмæ интеграцион процесстæ дарддæр дæр рæзынц алы фадгуыты – политикон, æфсæддон æмæ экономиконæй суанг культурон æмæ æхсæнадон къабазы онг.

Уадз æмæ хæлардзинад фидар кæнæт Уæрæсейы Федерацийы æмæ Хуссар Ирыстоны æфсымæрон адæмты ‘хсæн. Æппæт уæрæсейæгтæн мæ цæст уарзы сабырад, дидинæфтыд, æнтыстытæ æмæ фидæны ныфс!

Республикæ Хуссар Ирыстоны Президент Бибылты Анатоли

 

***

УÆРÆСЕЙЫ ФЕДЕРАЦИЙЫ ПРЕЗИДЕНТ ВЛАДИМИР ПУТИНÆН

Цытджын Владимир Владимиры фырт!

Айс мæ иууыл зæрдиагдæр арфæтæ паддзахадон бæрæгбон – Уæрæсейы боны цытæн.

Уæрæсейы бон æрмæст Уæрæсейы Федерацийы национ бæрæгбон нæу, фæлæ у Хуссар Ирыстоны паддзахадон бæрæгбон дæр, йæ адæмæн сæ фылдæр сты уæрæсейаг æмбæстæгтæ.

Ивгъуыд азты дæргъы дыууæ бæстæйы ‘хсæн бирææнусон хæларадон æмæ æфсымæрон ахастытыл чи бындуриуæг кæны, хуссарирыстойнаг-уæрæсейаг уыцы ахастыты баххæст сты ног мидисæй. Сæйраг фарстатæ скъуыддзаг кæныны активон политикон диалог æмæ конструктивон æмархайд дзуапп дæттынц Хуссар Ирыстоны æмæ Уæрæсейы цæдисон ахастыты интерестæн.

Республикæ Хуссар Ирыстоны адæм Уæрæсейы нымайынц стратегион партнерыл, аргъ кæнынц, къухы цы кæрæдзи æмбарын æмæ æууæнчы ахастытæ бафтыд, уыдонæн кæд-дæриддæр уыдзæн Уæрæсейы Федерацийы иузæрдыг æмæ æнувыд хæлар.

Ацы бæрæгбоны дын, цытджын Владимир Владимиры фырт, мæ цæст уарзы фидар æнæниздзинад, фæрныгад, Стыр Уæрæсейы цæрджытæн та – сабырад æмæ фæрныгад.

Республикæ Хуссар Ирыстоны Президент Бибылты Анатоли

 

***

Уæрæсейы боны цытæн ма Бибылты Анатоли раарфæ кодта УФ-йы Хицауады Сæрдар Дмитри Медведевæн, УФ-йы Федералон æмбырды Федерацийы Советы сæрдар Валентинæ Матвиенкойæн, РХИ-йы УФ-йы Уæлвæткон æмæ Æххæстбарджын минæвар Мурат Кулахметовæн.

 

***

Республикæ Хуссар Ирыстоны зынаргъ æмбæстæгтæ!

Абон æфсымæрон Уæрæсе нысан кæны ахсджиаг цау, кæцы æрцыд 28 азы размæ  Уæрæсейаг Советон Федеративон Социалистон Республикæ паддзахадон суверенитеты тыххæй деклараци райсыны бон.

Ацы нысаниуæгджын бæрæгбон нысан кæнæм мах дæр, Хуссар Ирыстоны адæм, кæцытæн сæ фылдæр сты Уæрæсейы Федерацийы æмбæстæгтæ дæр.

Зын у аргъ скæнæн, нæ хъысмæты Уæрæсейæн цы нысаниуæг ис, уымæн. Хуссар Ирыстоны сабырад æмæ æдасдзинады гарант, уый нын æххæстæй æххуыс кæны нæ республикæйы сæндидзыны процессты æмæ экономикæйы райрæзты.

2008 азæй райдайгæйæ, Хуссар Ирыстон æмæ Уæрæсейы ‘хсæн къухтæ фыст æрцыд бирæ æхсæнпаддзахадон æмæ æхсæнведомствæйон бардзырдтыл, кæцытæ здæхт сты царды алы фадыджы интеграци æмæ æмгуыстады дарддæры райрæзтæн.

Ныфс мæ ис, нæ бæстæты æхсæн бирæ азты дæргъы цы халардзинад бæлвырд æрцыд, уый дарддæр дæр кæй фидар кæндзæн. Мах фидарæй уырны, нæ республикæйы сомбон баст кæй у Стыр Уæрæсеимæ.

Зынаргъ æмбæстæгтæ! Ацы нысаниуæгджын бон уын мæ цæст уарзы сабыр арвы бын царды хæрзиуджытæ, æнæниздзинад æмæ фæрныгад уæ бинонтæн!

Республикæ Хуссар Ирыстоны Хицауады Сæрдар Пухаты Эрик

 

***

Уæрæсейы Федерацийы Хицауады Сæрдар Дмитрий Медведевæн

Цытджын Дмитрий Анатолийы фырт!

Республикæ Хуссар Ирыстоны Хицауады æмæ сæрмагондæй мæхи номæй дын арфæ кæнын Уæрæсейы боны цытæн!

Зондджын къухдариуæгады хъаруйы фæрцы абоны бон Уæрæсейы Федерацийы бирæнацион адæм бæрæгбон нысан кæнынц тыхджын, динамикон æгъдауæй рæзгæ паддзахад, уникалон истори æмæ зынаргъ культурон бынты хицау чи у, патриотизмы æмæ Райгуырæн бæстæйæн лæггад кæныны хорз традицитæй иугонд чи у.

Бирææнусон хæларадон æмæ сыхагон ахастытæй баст мах дæр нысан кæнæм ацы ахсджиаг паддзахадон бæрæгбон сымахимæ иумæ. Мах кæддæриддæр бузныг уыдзыстæм, Уæрæсейы Федераци æмæ сæрмагондæй дæуæй, цытджын Дмитрий Анатолийы фырт, уе ‘гæрон æххуысы тыххæй!

Фидар ныфс мæ ис, бæстæты ‘хсæн интегарци æмæ цæдисон ахастытæ дарддæр дæр кæй рæздзысты æмæ фидар кæндзысты.

Ацы нысаниуæгджын бон мæ цæст уарзы дæуæн æмæ де ‘ввахс адæмæн, афтæ ма æппæт уæрæсейаг адæмæн æнæниздзинад, фæрныгад, циндзинад æмæ æнтыстытæ.

 

 Республикæ Хуссар Ирыстоны Хицауады Сæрдар Пухаты Эрик

 

 

***

Уæрæсейы Федерацийы Федералон Æмбырды Федерацийы Советы Сæрдар Валентина Матвиенкойæн

Цытджын Валентина Иваны чызг!

Республикæ Хуссар Ирыстоны Парламенты æмæ сæрмагондæй мæхи номæй дын арфæ кæнын Уæрæсейы боны цытæн!

Уæрæсейы бирæнацион адæм сæ бæстæйæ æмæ сомбонæй сæрыстыр уæвгæйæ ныфс-джынæй æрхæццæ сты паддзахадон суверенитеты деклараци райсыны 28 азы сæххæсты бон нысан кæнынмæ. Ацы бæрæгбон иу кæны Уæрæсейы адæмы бæстæйы сæндидзынмæ куыд раззагон паддзахад, афтæ йын ном скæнынмæ сæ тырнындзинады. Абон ахæм фарст нæй æхсæнадæмон аренæйы, кæцы скъуыддзаг æрцыдаид æнæ Уæрæсейы хайадистæй.

Зæрдиагæй дын мæ цæст уарзы, цытджын Валентина Иваны чызг, фидар æнæниздзинад, цæмæй сæххæст уой дæ фæндтæ æмæ дын уа æнтыстытæ де ‘ппæт хъуыддæгты дæр Стыр Уæрæсейы хæрзиуæгæн.

 

Республикæ Хуссар Ирыстон-Паддзахад Аланийы Парламенты

Сæрдар Гасситы Петр

Comments are closed, but trackbacks and pingbacks are open.