Хуссарирыстойнаг æвзонг спортсментæ 7 майданы рамбылдтой уæгъдибар хъæбысхæстæй РЦИ-Аланийы уагъдæрцæуæг гом турниры. Ерысты уæлахиздзаутæ систы Бекъойты Валери (75 кг) æмæ Санахъоты Ален (48 кг). Дыккаг бынæттæ бацахстой Хъотайты Руслан (48 кг) æмæ Уанеты Дмитри (48 кг). Бронзæйон призертæ та систы Чилæхсаты Ибрагим (35 кг), Чилæхсаты Арсен (32 кг) æмæ Багаты Аслан (41 кг).
Æвзонг богалты бацæттæ кодтой тренертæ Коцты Тамерлан, Гæджиты Ар-тур, Гæбæраты Андрей, Гæджиты Марат, Гæззаты Алан æмæ Пухаты Георги.
***
Махачкалайы сылгоймæгты хъæбысхæстæй Цæгат Кавказы Федералон зылды чемпионаты ирон спортсменкæтæн бантыст 4 сыгъзæрин, 4 æвзист æмæ 3 та бронзæ майдантæ рамбулын. Фыццаг бынæттæ бацахстой Дзоблаты Радæ (57 кг), Пухаты Валерия (59 кг), Чертхъоты Маринæ (62 кг) æмæ Чеджемты Аланæ (65 кг). Дыккаг бынæттæ бацахстой Бæззаты Аринæ (53 кг), Мæргъиты Илонæ (62 кг), Гæбæраты Виктория æмæ Гуырцъыты Емилия (68 кг). Бронзæйон хорзæхтæ та сæ къухты бафтыдысты Фардзинты Ангелинæ (53 кг), Цæболты Камилæ (59 кг) æмæ Гасситы Валерияйæн (62 кг).
Хуриты Батрадз
