22-24 октябры Санкт-Петербургы уагъд æрцæудзысты бæрæгбонон мадзæлттæ, кæцытæ арæзт цæуынц Уæрæсейы культурон столицæйы Ирыстоны фыццаг минæварадыл 270 азы сæххæсты цытæн. Бæрæгбонон мадзæлтты нымæцы уыдзæн презентацитæ, зонадон докладтæ, документалон фильмты равдыст, равдыстытæ, мастер-къластæ.
23 октябры уыдзæн мадзал официалонæй байгом кæныны церемони. Мадзæлттæ райдайдзысты Ирыстоны тыххæй фильмы равдыстæй. Каст æрцæудзысты зонадон докладтæ иумæйаг темæйыл: «Осетия: вчера, сегодня, завтра». Æвдыст æрцæудзæн Туаты Теминæйы фильм Хæххон Аланийы тыххæй. Мадзæлтты кульминаци суыдзæн историон экспонатты æмæ Ирыстоны историйы фæдыл æрмæджыты равдыст (национ дарæс, мастер-къласты равдыст).
РХИ-йы Фæсарæйнаг хъуыддæгты министр Медойты Димитр ралæудзæн докладимæ Ирыстоны историйы тыххæй. План ма цæуы Тыбылты Александры номыл Хуссарирыстойнаг паддзахадон университеты проректор Тедеты Зæлинæйы раныхас.
Уый фæстæ уагъд æрцæудзæн хайадисджыты пресс-конференци «Дни Осетии в Санкт-Петербурге».
Бæрæгбонон мадзæлттæ фæуыдзысты РХИ-йы Фæсарæйнаг хъуыддæгты министр Медойты Дмитрийы номæй химæрайстæй.
1949-1751 азты фыццаг ирон минæварадæн, кæцыйæн къухдариуæг кодта Магкаты Зураб, йæ бон бацис зын политикон уавæрты Уæрæсейæн равдисын Ирыстонимæ паддзахадон цæдисы ахсджиагдзинад æмæ æнæмæнгхъæуындзинад. Ирон дипломатийы уыцы политикон уæлахиз, абоны бонимæ абаргæйæ, банымайæн ис сгуыхтдзинадыл йæ адæмы сомбоны тыххæй. Абон УФ-йы Хуссар Ирыстоны минæварад, кæцы арæзт æрцыд 270 азы размæ, уыцы историон цауты фæстæ у Санкт-Петербургы фыццаг ирон минæварады историон фæдон, æмæ аккагæй, кадимæ дарддæр кæны генералон хахх, кæцы бакуыстой йæ зынгæ сæрхъызойтæ – Уæрæсеимæ цæдисдзинад.
Comments are closed, but trackbacks and pingbacks are open.