Сæрмагонд æфсæддон операцийы хæстон архайдтыты райгуырæн бæстæ æмæ Уæрæсейы Федерацийы æхсæнадон интерестæ хъахъхъæныны тыххæй ирон хæстон Кобесты Роберт хорзæхджын æрцыд «За отвагу, самоотверженность и личное мужество»-йы майданæй.
Роберт иунæгæй систа Украинæйы гарзджын тыхты æнцойгæнæн пункт æмæ мæлæтæй аирвæзын кодта сæ туджы мæцгæ дыууæ цæф хæстоны, рахаста сæ судзгæ БМП-йæ. Не ‘мзæххоны фæрцы уыдон сæрæгасæй баззадысты. Хорзæхджын ма æрцыд Жуковы майданæй дæр. Сæрмагонд æфсæддон операцийы ис фыццаг бонтæй фæстæмæ. Уый размæ та æфсæддон службæгæнæг Уæрæсейы Федерацийы Хъахъхъæнынады министры бардзырдæй хорзæхджын æрцыд «За воинскую доблесть II степени»-йы майданæй. Æввахс рæстæджы ма йын саккаг кæндзысты ноджы «За спасение погибавших»-ы майдан.
***
Хуссарирыстойнаг хæстон Коцты Ибрагим Роберты фырт сæрмагонд æфсæддон операцийы йе ‘фсæддон хæс æххæст кæныны рæстæджы равдисгæ хъайтардзинад, удуæлдайдзинад æмæ æндæр лæггæдты, афтæ ма хæстон цæттæдзинады тынг хорз бæрæггæнæнты тыххæй хорзæхджын æрцыд «За воинскую доблесть II степени»-ы майданæй.
Ибрагим у 4-æм уæрæсейаг æфсæддон базæйы æфсæддон службæгæнæг. Сæрмагонд æфсæддон операцийы хайад исы ивгъуыд аз февралы мæйæ фæстæмæ.
***
Æфсæддон службæгæнæг Хуриты Дзамболат Уæрæсейы Федерацийы Президенты Барамындæй хорзæхджын æрцыд Суворовы майданæй сæрмагонд æфсæддон операцийы хæстон архайдтыты рæстæджы æхсардзинад æмæ удуæлдайдзинад равдисыны тыххæй. Уый размæ та йын Уæрæсейы Федерацийы Хъахъхъæнынады министры барамындæй саккаг кодтой «За воинскую доблесть II степени»-йы майдан.
***
Цæгат Ирыстон-Аланийы Сырх-Дигорæйы хъæуккæгтæ Хохоты дыууæ æфсымæры хайад исынц сæрмагонд æфсæддон операцийы. Æхсардзинад æмæ удуæлдайдзинад рав-дисыны тыххæй хорзæхджын æрцыдысты майдантæй. Хохоты Руслан Федыры фырт райста – 1-аг къæпхæны «За воинскую доблесть»-ы майдан æмæ Георгийæн та саккаг кодтой 2-аг къæпхæны «За воинскую доблесть»-ы майдан. Уый тыххæй фехъусын кодта Сырх Дигорæйы хъæууон администрацийы депутат Мæрзойты Олег.
***
Сæрмагонд æфсæддон операцийы хайадисæг, Цæгат Ирыстоны Заводы поселочы цæрæг Къæбысты Хетæг хорзæхджын æрцыд Сыгъдæг Георгийы орден – 4-æм къæпхæны Георгийы дзуарæй хæстон архайдтыты равдисгæ сгуыхтдзинæдты тыххæй.
***
Цæгат Ирыстоны Сунжæйы хъæуккаг Габуты Герман хорзæхджын æрцыд «За отвагу»-йы майданæй сæрмагонд æфсæддон операцийы æхсардзинад, удуæлдайдзинад равдисыны тыххæй. Хæстон архайдтыты хайад исы фыццаг бонтæй фæстæмæ.
***
Сæрмагонд æфсæддон операцийы хайадисæг, РЦИ-Аланийы горæт Æрыдоны цæрæг Гаглойты Азæмæт Уæрæсейы Федерацийы Президенты барамындæй хорзæхджын æрцыд Жуковы майданæй равдисгæ хъайтардзинæдты тыххæй. «Крыльям NV»-йæн æфсæддон службæгæнæджы хиуæттæ куыд фехъусын кодтой, афтæмæй Азæмæт сæрмагонд æфсæддон операцийы зонæйы ис æрдæг азæй фылдæр. Жуковы майданæй хорзæхджын цæуынц Фыдыбæстæ æмæ УФ-йы паддзахадон интерестæ хъахъхъæныны рæстæджы хæстон архайдтыты æхсардзинад, уд-уæлдайдзинад равдисыны тыххæй.
Джиоты Екатерина
