Хъæууон хæдзарады министрады зайæгой-гуыстгæнæн æмæ механизацийы управленийы хистæр Мулдарты Игоры ныхæстæм гæсгæ, ацы аз паддзахадон куыстуат «Ирагпромсервис» бакусдзæн фылдæр хуымгæнæн зæххытæ, ивгъуыд азтæм абаргæйæ. Ахæм фадат фæзынд ног хъæууонхæдзарадон техникæ балхæныны фæрцы.
2021 азы машинæ-тракторон парк баххæст ис ног агрегаттæй: культиватортæ, гутæттæ, тауæн машинæтæ, афтæ ма комбайнтæ, картоф æмæ мæнæу æфснайæн машинæтæй, – æдæппæтæй техникæйы 62 иуæджы, сæ иумæйаг суммæ – 62,5 милуан сомы.
«2022 азы Паддзахадон унитарон куыстуат субсидитæ райсдзæн 10 милуан 595 мин сомы, фæлæ министрад нæ кусы, цæмæй уыцы суммæ фæфылдæр уа. Паддзахадон бюджетæй субсидитæ лæвæрд цæуынц æрвылазон æнæаргъон бындурыл республикæйы фермертæ æмæ цæрджытæн баххуыс кæныны нысанæн. Ног хъæууонхæдзардон техникæ бал-хæнынæй ацы азы тауыны æмæ æфснайæн компани уагъд æрцæудзæн тагъддæр æмæ гъæдджындæрæй. Районты план цæуы быдырты æртæ мин гектары онг байтауын, кæцы 500 хатты фылдæр у, ивгъуыд азмæ абаргæйæ», – загъта Мулдарты Игорь.
Уый банысан кодта, зæгъгæ, ныртæккæ уагъд цæуынц развæлгъау культивацийы æмæ нæмыгон культурæтæ байтауыны тыххæй куыстытæ. Ленингоры районы тауыны компани кæронмæ бахæццæ, иннæ районты та ис йæ тæккæ тæмæны.
«Уагъд цæуы нæмыгон культурæтæ байтауын: хъæбæрхор, мæнæу, нартхор. Механизацион хъæууонхæдзарадон куыстыты 70 проценты онг æххæст кæны республикæйы Паддзахадон унитарон куыстуат «Ирагпромсервис». Æппæт уæвæг техникæ архайы тауыны компанийы. Кæй зæгъын æй хъæуы, куысты рæстæджы техникæ дæр фехæлы. Хъæууонхæдзарадон техникæйы фылдæр хай 10-15 азтæ кусынц, фæлæ куыстуат «Ирагпромсервис»-ы кусджытæ механизатортимæ архайынц цыбыр рæстæгмæ техникæ саразыныл», – банысан кодта Мулдарты Игорь.
Уый ма банысан кодта, зæгъгæ, министрады план кæнынц хъæууонхæдзарадон машинæты парк снæуæг кæныны куыст адарддæр кæнын.
Comments are closed, but trackbacks and pingbacks are open.