Æрвылаз дæр нæ республикæйы цытджын æгъдауæй банысан кæнынц Паддзахадон тырысайы бон. Афтæ та у ныр дæр.
17-æм августы 6-æм астæуккаг скъолайы 10 æмæ 11-æм кълæсты ахуыргæнинæгтæ, æдæппæтæй 40 адæймаджы сæ къласгæстæ Багаты Лианæ, Бететы Юля æмæ Дыгъуызты Заринæимæ балцы ацыдысты Дменисы хъæуы фидармæ. Семæ ма уыдысты скъолайы директор Гæззаты Юрина, ахуыры хайы сæргълæууæг-организатор Рассохина Надежда, æдасдзинады фæдыл ахуыргæнæг Сиукъаты Ацæмæз, англисаг æвзаджы æмæ историйы ахуыргæнджытæ Гаглойты Александра æмæ Гоцъиты Алинæ.
Ахуыргæнинæгтæ сæ хъомылгæнджытимæ тырыса æрсагътой фидарыл. РХИ-йы телерадиокомпани «ИР»-ы проект «Дзырд»-ы уæлахиздзау Чилæхсаты Азæмæт бакаст Галуанты Людмилæйы фыст æмдзæвгæ «Тырыса», зæгъгæ.
Историйы ахуыргæнæг Гоцъиты Алинæ ахуырдзаутæн радзырдта Паддзахадон тырысайы историйы тыххæй. Балцы кæронбæттæны йæ хайадисджытæ иумæ акафыдысты ирон «Симд». Зæрдылдарынæн систой къамтæ дæр.
Нæ уацх.
