Республикæ Хуссар Ирыстоны Президент Бибылты Анатоли телефонæй ныхас кодта Донецкы Адæмон Республикæйы сæргълæууæг Денис Пушилинимæ.

Бибылты Анатоли мæсæллæйы ныхæстæ загъта Пушилинæн,  Донецкы горæты центр «Точка У»-йæ кæй фехстæуыд  æмæ уый фæстиуæгæн Донецкы Адæмон Республикæйы столицæйы сабыр цæрджытæй дæсгай адæймæгтæ кæй фæмард сты, уый сæ-раппонд.

«Донецкы Адæмон Республикæ æмæ Луганскы Адæмон Республикæйы сабыр  цæрджыты, сывæллæтты  ныхмæ 8 азы дæргъы арæзтцæуæг ахæм хуызы æфсæддон фыдракæндты фæстиуæгæн Уæрæсейы Федерацийæн дæр æндæр гæнæн нал уыд æмæ райдыдта спецопераци Украинæйы демилитаризаци æмæ денацификацийы фæдыл. Бæрæг куыд у, афтæмæй æрмæстдæр спецопараци куы фæуа, уæд Донецкы Адæмон Республикæ æмæ Луганскы Адæмон Республикæйы цæрджытæ æмæ Украинæйæн йæхи цæрджытæ дæр æрæздæхдзысты сабыр æмæ æдас цардмæ», – банысан кодта Бибылты Анатоли.

Президент бахахх кодта, æфсымæрон адæмты фарс кæй хæцы æмæ цæттæ кæй у уыдонæн баххуыс кæнынмæ.

Comments are closed, but trackbacks and pingbacks are open.