Республикæ Хуссар Ирыстоны Президент Бибылты Анатоли мæсæллæйы тел арвыста УФ-йы Хъахъхъæнынады министр Сергей Шойгумæ зынгæ номдзыд инæлар хистæр Анатоли Ноговыцины амæлæты тыххæй
Телы дзырдæуы:
«Цытджын Сергей Кужугеты фырт,
Республикæ Хуссар Ирыстоны стыр хъыгзæрдæимæ райстой зынгæ æфсæддон хистæр Анатоли Алексийы фырт Ноговицыны амæлæты хабар.
Хуссар Ирыстоны Анатоли Алексейы фырты хъуыды кæндзысты куыд æхсарджын адæймаг, йæ Фыдыбæстæйы æцæг патриот, кæцы йæ зæрдæмæ æввахс иста йæ адæмы хъысмæт, кæддæриддæр хъахъхъæдта йæ райгуырæн бæстæйы интерестæ.
Анатоли Алексейы фырт уыд уæрæсейаг æфсæддон архайджытæй сæ иу, кæцыйæн хæсгонд уыд, цæмæй алы бон дæр æхсæнадæн информаци лæвæрдтаид гуырдзиаг æфсады ныхмæ фондзбонон хæсты тыххæй. Йæ адæймагдзинад, хъæлæс æмæ хъæддыхдзинад, æмæ сæйраджыдæр та Гуырдзыстоны тыхæй сабырадмæ æркæныны фæдыл операцийы тыххæй раст информаци, систы ирон адæмы историйы æнæфæхицæнгæнгæ хай.
Курæг дæ дæн, цæмæй мæ хъынцъымы ныхæстæ зæгъай Анатоли Алексейы фырты бинонтæ æмæ æввахс хиуæттæн».
Comments are closed, but trackbacks and pingbacks are open.