Хуссар Ирыстоны фæстаг хæрзбон загътой Республикæ Хуссар Ирыстон æмæ Республикæ Цæгат Ирыстон-Аланийы адæмон артисткæ Хъæцмæзты Фатимæйæн.

Фыдохы митинг уагъд æрцыд Хетæгкаты Къостайы номыл Паддзахадон драмон театры бæстыхайы. Артисткæйы йæ фæстаг фæндагыл афæндараст кæнынмæ æрбацыдысты Хуссар Ирыстоны къухдариуæгад Президент Бибылты Анатолийы сæргълæудæй, йæ коллегæтæ, хæлæрттæ, республикæйы æхсæнад.

Бирæ хорз ныхæстæ загъд æрцыд артисткæ æмæ национ театралон аивадмæ йæ хайбавæрды тыххæй.

«Артисттæ æмæ театры æппæт уарзджытæн у хъынцъымы бон. Фатимæ Хъазбеджы чызг сценæйыл хъазы йæ фæстаг спектакль. Æппæт алыхуызон фæлгæнцтæй, кæцытæ уый æххæст кодта сценæйыл, ацы роль у иууыл трагикондæр. Мах фесæфтам зынгæ артисткæ æмæ режиссеры.

Æрæджы уый ахъазыд трагеди «Фæстаг æвдисæн»-ы. Æмæ сценæмæкæсджытæй ничи бамбæрста, уымæн куыд зын уыд æмæ цас тыхтæ бахардз кодта, цæмæй йæ хъайтары характер равдыстаид. Уый иунæг нæ уыд йæ уæззау ни-зимæ. Уый æнкъардта не ‘ххуыс æмæ уарзондзинад, кæцы йын тыхтæ лæ-вæрдтой сценæйыл фæстаг боны онг лæууынæн.

Фатимæ Хъазбеджы чызг цæрæнбонтæм баззайдзæн нæ зæрдæты куыд зæрдæхæлар æмæ курдиатджын адæймаг, афтæ», – загъта паддзахады сæргълæууæг.

Фатимæ Хъазбеджы чызг ныгæд æрцыд Хуссар Ирыстоны Национ пантеоны.

 

Ацы æрмæджытæ дæр бакæс:

Теракты фæмард зынгæ æфсæддон уацхæссæг Гаглойты Алан тæфæрфæс ракодта Плиты Жаннæйы мæлæты фæдылГаглойты Алан тæфæрфæс ракодта Плиты Жаннæйы мæлæты фæдыл Default ThumbnailТæфæрфæсы тел Ливаны президентмæ Default ThumbnailНæ рыст дæр иу у Хицауды Сæрдар тæфæрфæс ракодта Нарыкъаты Любæйы бинонтæн

Comments are closed, but trackbacks and pingbacks are open.