21 февралæй 28 февралмæ Хуссар Ирыстоны территорийыл æрцыдис иу фыдракæнд æмæ раргом ис. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис иу фæндагон-транспортон цау.
Алыгъуызон бархалыны фӕдыл бӕрндзинадмӕ конд ӕрцыдис фондз æмбæстаджы.
Фæндагон змæлды æдасдзинады инспекци къуырийы дæргъы сбæлвырд кодта 381 фæткхалæн цауы. Уыдонæй 9 уыдысты нозтджынæй машинæ скъæрыны цаутæ.
21 февралы оперативон информацийы фæдыл Дзауы районы Уанелы хъæуы милицийы кусджытæ баурæдтой автомашинæ «Mersedes-Benz E 320», кæцыйы шофыр разынд горæттаг 37-аздзыд цæрæг. Басгæрсты рæстæджы бæлццоны дзыппы, Ленингоры районы Абреуы хъæуы 39-аздзыд цæрæг, ссардтой дыууæ къоппы гæны ссадæгимæ, кæцыйы уæз уыд 8 граммæ ввахс. Уымæй уæлдай ма, шофыр æмæ бæлццонмæ сæ зæрдæ фехсайдта наркотиктæй спай-да кæнынмæ, фæлæ нæ бакуымдтой медицинон басгæрстмæ. Бæлццоныл баконд æрцыд уголовон хъуыддаг æмæ ныридæгæн ис рæстæгмæдарæн камерæйы.
25 февралы Ленингоры районы милицийы хайадмæ фехъусын кодта Цъинагары хъæуы цæрæг, зæгъгæ, мæм хæдзары 2008 азы хæстон архæйдтыты фæстиуæгæн баззадис æхсæнгарз æмæ мæ фæнды йæ раттын барвæндонæй. Бынатмæ бацыдысты милицийы кусджытæ æмæ дзы рахастой пулемет Калашникова, 200 фылдæр нæмгуытæ æмæ гранат «Ф-1».
Горæт Цхинвалы милицйы хайады кусджытæ баурæдтой 23, 32 æмæ 35-аздзыд бынæттон цæрджыты, кæцытæм сæ зæрдæ фехсайдта наркотиктæй спайда кæнынмæ. Фæткхалджытæ нæ бакуымдтой медицинон басгæрстмæ.
Comments are closed, but trackbacks and pingbacks are open.