15-æм ноябрæй 24-æм ноябрмæ Хуссар Ирыстоны территорийыл æрцыдис цыппар фыдракæнды æмæ раргом сты. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис 4 фæндагон-транспортон цауы. Уыдонæй цыппар æнæхицауæй фæндæгтыл чи баззайы, ахæм аварийы рæстæджы шофыртæ ныццавтой, стуртæ.
Алыгъуызон бархалыны фӕдыл бӕрндзинадмӕ конд ӕрцыдысты фондз адӕймаджы.
Фæндагон змæлды æдасдзинадыл инспекци къуырийы дæргъы сбæлвырд кодта 232 фæткхалæн цауы. Уыдонæй 6 уыдысты нозтджынæй машинæ скъæрыны цаутæ.
Милицийы нарко-тикты ӕрзылдыл контроль кӕныны æмæ Знауыры районы милицийы управлениты кусджытӕ оперативон информацийы фæдыл басгæрстой Знауыры районы Ходабулы хъæуы 33-аздзыд цæрæджы хисæрмагонд хæдзар æмæ дзы ссардтой 1 гæны къутæр. Медицинон басгæрст куыд сбæрæг кодта, афтæмæй ма хæдзары хицау спайда кодта марихуанайæ дæр. Уымæй уæлдай ма сæ зæрдæ фехсайдта 26-аздзыд горæттаг цæрæгмæ æмæ медици-нон басгæрст куыд сбæ-рæг кодта, афтæмæй ацы æмбæстаг та спайда кодта наркотикон буарад «Лирика»-йæ.
Рейдон мадзæлттæ уадзыны рæстæджы патрулон экипаж баурæдта зæрдæхсайгæ автомашинæ, кæцыйы шофыр, 27-аздзыд Цхинвалы районы Тбты хъæуы цæрæг, спайда кодта наркотикон буарад марихуанайæ. Уымæй уæлдай ма горæт Цхинвалы милицийы хайады уголовон фæдагуырды кусджытæ баурæдтой 27 æмæ 37-аздзыд горæттаг цæрджыты, кæцытæм сæ зæрдæ фехсайдта нар-котиктæй спайда кæнынмæ. Фæткхалджытæ нæ бакуымдтой медицинон басгæрстмæ.
Comments are closed, but trackbacks and pingbacks are open.