18 апрелæй 25 апрелмæ Хуссар Ирыстоны территорийыл æрцыдис иу фыдракæнд æмæ раргом ис. Наркотикон буарадтӕй ӕнӕзакъонӕй спайда кӕныны тыххӕй урӕд ӕрцыдысты цалдӕр ӕмбӕстаджы. Уымæй уæлдай ма республикӕйы фӕндӕгтыл ӕрцыдис фондз фæндагон-транспортон цауы. Авариты фæстиуæгæн рынчындонмæ алыгъуызон цæфтимæ бахаудтой æртæ адæймаджы.
Алыгъуызон бархалынæдты фӕдыл бӕрндзинадмӕ конд ӕрцыдысты æртæ æмбæстаджы.
Фæндагон змæлды æдасдзинады инспекци къуырийы дæргъы сбæлвырд кодта 368 фæткхалæн цауы. Уыдонæй 6 уыдысты нозтджынæй машинæ скъæрыны цаутæ.
20 апрелы милицимæ фехъусын кодтой, зæгъгæ, Цхинвалы районы Гудзабары хъæуы судзы автомашинæ. Бынатмæ атындзыдтой зынгхуыссынгæнæн службæйы кусджытæ, фæлæ сæ бон нал бацис автотранспорт ахуыссын кæнын. Автомашинæ «Mercedes Benz E» разынд бынæттон 39-аздзыд цæрæджы.
21 апрелы рынчындонмæ алыгъуызон цæфтимæ бахаудта горæттаг 21-аздзыд цæрæг. Куыд рабæрæг, афтæмæй ацы æмбæстагæн хъаугъа рауад нæ горæты 29 æмæ 27-аздзыд цæрджытимæ æмæ йæ фæнадтой. Оперативон-сгарæн мадзæлттæ ауадзыны фæстиуæгæн цыбыр рæстæгмæ фыдгæнджытæ ахст æрцыдысты.
21 апрелы Дзауы районы Теделеты хъæуы зынг сирвæзт 62-аздзыд бынæттон цæрæджы хисæрмагонд хæдзарыл. Зынгхуыссынгæнæн службæйы кусджыты бацыдмæ хæдзар дæр басыгъд æмæ кæрты лæууæг автомашинæ «УАЗ – Хантер» дæр.
22 апрелы горæт Цхинвалы Ирæтты уынгæй Путины уынгмæ азилæны 8-аздзыд сывæллон бахаудта автомашиæйы бын æмæ райста рог цæфтæ. Куыд рабæрæг, афтæмæй автомашинæ «Nissan X-Trail» шофыр, 31-аздзыд бынæттон цæрæг, фехæлдта фæндагон фæткойтæ.
Comments are closed, but trackbacks and pingbacks are open.