Мæскуыйы сæрыл тохыл 80 азы сæххæсты цытæн Уæрæсейы Федерацийы Гарзджын тыхты централон музейы байгом равдыст «Москва в судьбах полководцев. Подвиг и Память», цыран æвæрд æрцыдысты 200 уникалон экспонатæй фылдæр, полчы раздзогты бинонтæ æмæ сæрмагонд коллекцитæй. Равдысты иу хайы сты æрмæджытæ нæ зынгæ æмзæххон, армийы инæлар Плиты Иссæ æмæ Мæскуыйы сæрыл тохы йæ адъютант – Тугъанты Михаилы тыххæй. Инæлар Плиты Иссæйы тыххæй равдысты хайы æппæт экспонаттæ æрбавдыст æрцыдысты фыццаг хатт: инæлары худ, пистолет «Вальтер»-ы агъуд, дасæн, ручкæ, лупæ, Советон Цæдисы хъайтары фыццаг майдан «Сырх Стъалы»-йы бæлвырдгæнæн, æвзист сахат æмæ æндæртæ. Ацы реликвитæ равдыстæн радтой инæлары хъæбулы хъæбултæ. Афтæ ма фыццаг хатт æрбавдыст æрцыдысты 30-æм азты уникалон фотооткрыткæтæ мæскуыйаг цирчы артист Тугъанты Михаилы нывтимæ. Стыр Фыдыбæстæйон хæсты полчы раздзогты хъысмæтты тыххæй Мæскуыйы равдыст аразы ирд æмæ удæгас фæлгондз, ацы хъайтар адæймæгты тыххæй æмæ йын ис стыр нысаниуæг рæзгæ фæлтæры хъомыладæн. Уый тыххæй фехъусын кодта уæрæсейаг историон æхсæнады правленийы сæрдары хæдивæг Гагкуты Руслан. Уый банысан кодта, зæгъгæ, экспозици здæхт у уыцы документтæ бахъахъхъæнын æмæ популярон кæнынмæ, кæцытæй райсæн ис цæвиттон Фыдыбæстæйæн лæггад кæныны хъуыддаджы. УФ-йы Гарзджын тыхты Централон музейы директор Александр Никонов куыд банысан кодта, афтæмæй равдысты уникалондзинад ис уый мидæг, æмæ уым фыццаг хатт равæрд кæй æрцыдысты Стыр Фыдыбæстæйон хæсты полчы раздзогты сæрмагонд коллекцитæй хисæрмагонд дзаумæттæ æмæ хиуæтты бинонты архивтæй.
Равдыстмæ æрбацæуджытæ фендзысты маршалтæ Геогрий Жуков, Александр Василевский, Константин Рокоссовский, Иван Конев, Родион Малиновский, Леонид Говоров æмæ æндæр æфсæддон хистæрты хисæрмагонд дзаумæттæ, хæцæнгæрзтæ, хорзæхтæ, нывтæ æмæ документтæ.
Равдыст байгом кæныны цытджын церемони уыд 18-æм ноябры.
Comments are closed, but trackbacks and pingbacks are open.