Президент Гаглойты Алан мæсæллæйы тел арвыста Исламаг Республикæ Ираны Уæлдæр разамынад Али Хаменеийæн Ираны Президент Эбрахим Раисийы амæлæты тыххæй.
Мæсæллæйы телы дзырдæуы:
«Стыр хъыгзæрдæимæ Хуссар Ирыстоны райстой Ираны Президент Сейед Эбрахим Раиси, Фæсарæйнаг хъуыддæгты министр Хосейн Амир Абдоллахиян æмæ æндæрты амæлæты цау хæдтæхæг фехæлыны фæстиуæгæн. Президент Раисийы номæй Исламаг Республикæ Иранæй фæхъуыдис æцæг патриот æмæ зынгæ паддзахадон архайæг.
Ацы хъынцъымы сахат Хуссар Ирыстоны адæм æмзæрдæ сты ирайнаг адæмимæ æмæ семæ дих кæнынц æнæбаххæстгæнгæ рыст. Мæсæллæйы ныхæстæ æрвитæм фæмардуæвджыты бинонтæ æмæ æввахс хиуæттæм».
